News Flash

बीएसएनएल ३४९ मध्ये देणार ५४ जीबी डेटा

याआधी बीएसएनएलने ९९ आणि ३१९ रुपयांचे दोन प्लॅन लाँच केले होते. त्यानंतर आता हा ३४९ रुपयांचा प्लॅन लाँच केला आहे.

संग्रहित छायाचित्र

टेलिकॉम कंपन्यांमध्ये सध्या प्रचंड प्राइस वॉर सुरू आहे. दररोज प्रत्येक कंपनी नवनवे प्लॅन्स सादर करून ग्राहकांना आपल्याकडे आकर्षित करण्याचा प्रयत्न करत आहे. त्याचाच एक भाग म्हणून सार्वजनिक क्षेत्रातील कंपनी बीएसएनएलनेही आपल्या ग्राहकांसाठी एक खास ऑफर जाहीर करत त्यांना खूश करायचे ठरवले आहे. कंपनीने आपल्या प्रीपेड ग्राहकांसाठी ३४९ रुपयांचा प्लॅन जाहीर केला आहे. याची वैधता ५४ दिवसांची असून यामध्ये दिवसाला १ जीबी डेटा देण्यात येणार आहे. यामध्ये ग्राहकांना व्हॉईस कॉलिंगबरोबरच दररोज १०० मेसेज मोफत दिले जाणार आहेत. याआधी बीएसएनएलने ९९ आणि ३१९ रुपयांचे दोन प्लॅन लाँच केले होते. त्यानंतर आता हा ३४९ रुपयांचा प्लॅन लाँच केला आहे.

बीएसएनएलप्रमाणेच जिओनेही ३४९ रुपयांचा प्लॅन लाँच केला आहे. यामध्ये ग्राहकांना अनलिमिटेड व्हॉईस कॉलिंगबरोबरच रोज १०० मेसेज आणि १.५ डेटा मिळत होता, या प्लॅनची व्हॅलिडिटीही ७० दिवसांची आहे. आता बीएसएनएल काही ठराविक सर्कलमध्ये ४ जी सुविधा देत आहे. त्यामुळे इतर कंपन्यांना टक्कर देत टेलिकॉम क्षेत्रात आपले स्थान निर्माण करण्यात कंपनीला काही प्रमाणात यश आले आहे असे म्हटल्यास वावगे ठरणार नाही. रिलायन्स जिओने आपला मोफत फोन बाजारात आणल्यानंतर विविध कंपन्या या स्पर्धेत उतरल्या. त्यानंतर एअरटेलनेही आपला स्वस्तातील मोबाइल लाँच केला होता. त्यापाठोपाठ काही दिवसांपूर्वीच बीएसएनएलने इतक्या कमी किंमतीचा फिचर फोन लाँच करत आपल्या ग्राहकांना खूश केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 3, 2018 8:12 pm

Web Title: bsnl launching new plan 349 rupees offering 54 gb data
Next Stories
1 भारतीय दिवसातला ८९ टक्के वेळ व्हॉट्सअॅप आणि युट्यूबवर
2 त्वचेचा काळेपणा दूर करण्यासाठी करा ‘हे’ उपाय
3 वाढत्या उन्हाळ्यात ‘कूल’ राहण्यासाठी जॅकलिन देतेय खास टीप्स
Just Now!
X