03 August 2020

News Flash

सिगारेट सोडा; झोप वाढवा!

सिगारेटचे व्यसन सोडण्याचे अनेक फायदे आहेत. त्यामध्ये आणखी एकाची नव्या संशोधनामुळे भर पडलीये. सिगारेट सोडल्यास संबंधित व्यक्तीला चांगली झोप लागू शकते, असे संशोधनातून आढळून आले.

| September 20, 2013 04:39 am

सिगारेटचे व्यसन सोडण्याचे अनेक फायदे आहेत. त्यामध्ये आणखी एकाची नव्या संशोधनामुळे भर पडलीये. सिगारेट सोडल्यास संबंधित व्यक्तीला चांगली झोप लागू शकते, असे संशोधनातून आढळून आले.
सिगारेट ओढण्याचे व्यसन असलेल्या व्यक्तीने दिवसातून एकदा ती ओढल्यास त्याची झोप १.२ मिनिटांनी कमी होते. ज्याप्रमाणे तो दिवसातून एकापेक्षा जास्त सिगारेट ओढतो, त्याचप्रमाणे त्याची झोप कमी कमी होत जाते, असे संशोधकांना आढळले. सिगारेटचे स्त्री-पुरुषांच्या आरोग्यावर अनेक दुष्परिणाम होत असतात. त्याबद्दल याआधीही अनेक संशोधने झालेली आहेत. मात्र, सिगारेट ओढण्याचा आणि व्यक्तीच्या झोपेचा काही संबंध असतो का, यावर फारशी संशोधने झालेली नाहीत. फ्लोरिडा विद्यापीठ आणि रिसर्च ट्रायंगल पार्क यांनी संयुक्तपणे सिगारेटच्या व्यसनाचा आणि झोपेवर होणारा परिणाम याबाबत संशोधन केले. यासाठी त्यांनी देशभरातून नुमना सर्वेक्षण गोळा केले होते.
सिगारेट ओढणाऱयांपैकी ११.९ टक्के लोकांना निद्रानाशाचा त्रास होतो आहे. यापैकी १०.६ टक्के लोकांना रात्री झोपेतून जाग येते तर ९.५ टक्के लोकांना पहाटे खूप लवकर जाग येते. याचवेळी हे व्यसन नसणाऱया व्यक्तींना असा त्रास होण्याचे प्रमाण अत्यल्प आहे. ज्या लोकांनी सिगारेट ओढण्याचे व्यसन सोडून दिले, त्यांचा निद्रानाशाचा त्रास कमी झाल्याचेही आढळून आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 20, 2013 4:39 am

Web Title: cant sleep at night kicking the butt may help
टॅग Cigarette,Lifestyle
Next Stories
1 लाल द्राक्षे आणि ब्ल्यूबेरींमुळे होते रोग प्रतिकारशक्तीत वाढ!
2 वाढत्या वयाबरोबर पुरूषांचे प्रकृतीकडे दुर्लक्ष!
3 सोशल नेटवर्किंग साईट्सवर ‘राग’ प्रभावशाली!
Just Now!
X