इंटरनेटवर सर्रास Porn व्हिडिओ बघणारे युजर्स आता गोत्यात सापडण्याची शक्यता आहे. कारण एका प्रसिद्ध पॉर्न वेबसाइटच्या युजर्सचा डेटा लीक झाला आहे. काही हॅकर्सनी पॉर्न वेबसाइटवरील युजर्सचे ई-मेल आयडी आणि इतर काही वैयक्तिक माहिती चोरी केली आहे. लीक झालेल्या डेटामध्ये युजर्सचे नाव, युजरनेम, पासवर्ड आणि ई-मेल यासारख्या खासगी माहितीचा समावेश आहे. Cyber News च्या एका रिपोर्टनुसार, प्रसिद्ध पॉर्न वेबसाइट MyFreeCams चा डेटा लीक झालाय. धक्कादायक म्हणजे जवळपास २० लाख युजर्सचा डेटा लीक झाला असून या युजर्सची माहिती ब्लॅक मार्केटमध्ये विकण्याचा हॅकर्सचा प्रयत्न आहे. MyFreeCams या वेबसाइटनेही आपल्या युजर्सचा डेटा लीक झाल्याच्या वृत्ताला दुजोरा दिला आहे. एका मोठ्या फोरमला हा डेटा विकण्याचा हॅकर्सचा प्रयत्न असून त्या बदल्यात बिटकॉइनची मागणी केली जात आहे. 10 हजार युजर्सच्या डेटासाठी 1500 डॉलर बिटकॉइनची हॅकर्सनी मागणी केल्याचं समजतंय. युजर्सच्या चोरलेल्या डेटाचा वापर हॅकर्स विविधप्रकारे करण्याची शक्यताही वर्तवली जात आहे. हॅकर्स युजर्सचा MyFreeCams वेबसाइटवरील टोकन बॅलेन्सही संपवू शकतात किंवा चोरलेल्या डेटाची भीती दाखवून युजर्सना ई-मेल किंवा अन्यप्रकारे ब्लॅकमेल करण्याची शक्यताही वर्तवली जात आहे. दरमहिन्याला जवळपास सात कोटी युजर्स या वेबसाइटला भेट देतात.