News Flash

जगात सर्वात महागडा ब्रेड कुठे मिळतो माहितीये? 

भारतात सर्वात स्वस्त

भारतात पोळी-भाजी किंवा भात-वरण हे मुख्य अन्न आहे. तर परदेशात ब्रेड आणि त्याचे पदार्थ हाच मुख्य आहार म्हणून घेतला जातो. या ब्रेडमध्येही परदेशात अनेक प्रकार पहायला मिळतात. कधी ऑम्लेटसोबत तर कधी सॅलेडसोबत ब्रेड नियमित खाल्ला जातो. आता या ब्रेडची किंमत सामान्यपणे किती असेल असा प्रश्न तुम्हाला कधी पडला आहे का? खरं तर भारतीय चलनामध्ये ४० ते ५० रुपयांना अगदी महाग म्हणजे ७० ते ८० रुपयांना ब्रेडचा एक पॅक मिळतो. मात्र परदेशातील याची किंमत ऐकून तुम्ही नक्कीच अवाक व्हाल. त्यातही ब्रेड सर्वात महाग मिळण्याचे ठिकाण ऐकून तुम्हाला आश्चर्य वाटेल.

दक्षिण कोरियाची राजधानी सेऊलमध्ये ब्रेड सगळ्यात महाग मिळतो. कॉस्ट ऑफ लिव्हींगने दिलेल्या अहवालानुसार, सेऊलमधील लोक एक किलो ब्रेड खरेदी करण्यासाठी १५.६ डॉलर म्हणजेच जवळपास १०१४ रुपये द्यावे लागतात. आता या रकमेत भारतात १३ ते १४ किलो ब्रेड खरेदी करता येईल. या देशांचे राहणीमान महाग असल्याने ही किंमत इतकी जास्त असावी असा अंदाज व्यक्त करण्यात येत आहे. तर दक्षिण कोरियाबरोबरच आणखी कोणत्या देशात ब्रेडची किंमत काय आहे हेही समजून घेणे औत्सुक्याचे आहे.

देशांनुसार १ किलो ब्रेडच्या किंमती

जिनिवा    ६.५ डॉलर (४२२ रुपये)

पॅरिस      ६.३ डॉलर (४०९ रुपये)

ओस्लो     ५.५ डॉलर (३५७ रुपये)

ज्यूरिक     ५.३ डॉलर (३४४ रुपये)

तेल अवीव   ५.१ डॉलर (३३१ रुपये)

हाँगकाँग   ४.६ डॉलर (२२९ रुपये)

दिल्ली   १.१ डॉलर (७१ रुपये)

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 19, 2018 7:24 pm

Web Title: do you know cost of bread for 1 kg in seoul and other countries
Next Stories
1 व्हिएतनामच्या वादग्रस्त ‘बिकिनी एअरलाइन’ची सेवा भारतात सुरू होणार
2 Video : अशी चोरी कोणता मूर्ख चोर करतो?
3 हँडसम असण्याचे तोटे, कर्मचाऱ्याचा १०% पगार कापला
Just Now!
X