वैज्ञानिकांनी इबोला संसर्गावर उपचार आणि त्यावर आळा घालण्यासाठी नवी प्रतिद्रव्य वितरण पद्धत विकसित केली आहे. यामुळे हजारो लोकांचे जीव वाचण्याची संभावना निर्माण झाली आहे. २०१३-१६ दरम्यान पश्चिम आफ्रिकेतील ११,०००हून अधिक लोकांचा इबोलामूळे मृत्यू झाला होता. यामुळे इबोलाचे विषाणू किती घातक स्वरूपाचे आहेत, हे स्पष्ट झाले होते. इबोलापासून संरक्षण करण्यासाठी प्रतिद्रव्य आधारित उपचारपद्धती विकसित करण्याचे आमचे ध्येय असून याचा वापर मारबर्ग विषाणूविरोधातदेखील करता येईल, अशी अपेक्षा आहे, असे कॅनडाच्या गिलेफ विद्यापीठाच्या सारा व्हाटटन यांनी सांगितले. इबोलाचा संसर्ग थांबविण्यासाठी याचा वापर होणार आहे. मोनोक्लोनल प्रतिद्रव्य उपचारपद्धती इबोला विषाणूच्या उपचारामध्ये सकारात्मक परिणाम देत आहेत. परंतु यांना विकसित करणे खर्चाचे असून त्यांच्याकडून अल्पकालीन प्रतिकारक शक्ती प्रदान केली जाते. ही उपचारपद्धती जर्नल इनफ्केशिअस डिसिस या नियतकालिकात प्रसिद्ध करण्यात आली आहे. या उपचारपद्धतीचा वापर ‘एचआयव्ही’विरोधातदेखील करण्यात आला होता. या प्रक्रियेत रुग्णाच्या शरीरात नैसर्गिक रोगप्रतिकारक प्रतिसाद निर्माण होऊ देण्याची वाट पाहावी लागत नाही. इबोलाविरुद्ध प्रतिकारक प्रतिसाद निर्माण करण्यासाठी बऱ्याच आठवडय़ांचा कालावधी लागत असून दरम्यान रुग्ण दगावण्याची शक्यता असते. डेनोसंबंधित विषाणू प्रतिद्रव्य वितरित करण्यासाठी अतिशय उपयुक्त असल्याचे वैज्ञानिकांनी केलेल्या प्रयोगांमध्ये आढळून आले. यामुळे इबोला संक्रमणाला आळा घालण्यात मोठय़ा प्रमाणात यश आले.
