26 September 2020

News Flash

खरेदी करायचीये? अॅमेझॉन, फ्लिपकार्ट देणार बिनव्याजी कर्ज

सणासुदीच्या काळात उत्तम संधी

दसरा आणि दिवाळी काही दिवसांवर येऊन ठेपली आहे. सणासुदीच्या काळात खरेदीसाठी बराच पैसा लागतो. मग तुमच्याकडे पुरेशी बचत नसेल तर तुम्हाला कुठूनतरी उधार घेण्याची वेळ येते. मात्र उधार घेतलेल्या पैशांवर तुम्हाला ठराविक टक्के व्याजही भरावे लागते. पण आता ही चिंता दूर होणार आहे. अॅमेझॉन आणि फ्लिपकार्टसारख्या ऑनलाईन शॉपिंग पोर्टलकडून बिनव्याजी कर्जाची सुविधा उपलब्ध होणार आहे. ग्राहकांची अडचण लक्षात घेऊन या कंपन्यांनी पुढाकार घेत हे महत्त्वाचे पाऊल उचलले आहे. आता या कर्जाची रक्कम किती असेल असा प्रश्न तुम्हाला पडला असेल. तर या दोन्ही कंपन्यांकडून जास्तीत जास्त ६० हजार रुपये कर्ज मिळू शकते.

१० ऑक्टोबरपासून अॅमेझॉन आपला सर्वात मोठा वार्षिक फेस्टीव सिझन सेल सुरु करत आहे. तर दुसरीकडे फ्लिपकार्टही बिग बिलियन सेल सुरु करत आहे. ग्राहकांना मोबाईल अॅपच्या माध्यमातून ही उधार मिळेल असे कंपनीकडून सांगण्यात आले आहे. यासाठी ग्राहकांना आपल्या पॅनकार्ड आणि आधार कार्डची माहिती भरावी लागणार आहे. त्यानंतर त्या ग्राहकाला किती रक्कम उधार मिळू शकते हे समजू शकणार आहे. ग्राहकांची खरेदी करण्याची पद्धत आणि पेमेंट करण्याचा इतिहास यावरुन कर्जाची रक्कम मंजूर होणार आहे. याशिवाय या कंपन्यांकडून ग्राहकांना डेबिट कार्डवर ईएमआय, नो कॉस्ट ईएमआय आणि पेबॅक गॅरंटी यांसारख्या सुविधा मिळणार आहेत. या बिनव्याजी कर्जाच्या नवीन सुविधेबाबत अॅमेझॉन इंडियाचे मॅनेजमेंटचे उपाध्यक्ष मनीष तिवारी म्हणाले, ‘जास्तीत जास्त ग्राहकांना ऑनलाईन खरेदीकडे वळवायचे असेल तर नवनवीन सुविधा देणे आवश्यक आहे.’ त्यानुसार कंपनी प्रयत्न करत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 1, 2018 8:31 pm

Web Title: flipkart and amazon offering interest free credit for shopping
Next Stories
1 सणासुदीच्या काळात सोने खरेदी करावी का?
2 ATM मधून एका दिवसात किती पैसे काढता येणार?, जाणून घ्या सर्व बँकांची मर्यादा
3 १४९ रुपयांमध्ये आयडीया देणार ३३ जीबी डेटा
Just Now!
X