Flipkart Big Diwali Sale च्या अखेरच्या दिवशी शाओमीच्या रेडमी नोट 5 प्रो या स्मार्टफोनवर सूट दिली जात आहे. 20 हजारांपेक्षा कमी किंमत असलेल्या स्मार्टफोन्समध्ये शाओमीचा रेडमी नोट 5 प्रो हा युजर्सच्या चांगलाच पसंतीस उतरला आहे. 14 हजार 999 रुपये किंमत असलेल्या या फोनवर 2 हजार रुपयांची सवलत दिली जात आहे, त्यामुळे हा फोन 12 हजार 999 रुपयांमध्ये उपलब्ध असणार आहे. या स्मार्टफोनवर 2 हजार रुपयांच्या सवलतीशिवाय 10 टक्केअतिरिक्त सूट दिली जात आहे. परिणामी हा फोन 11 हजार 700 रुपयांमध्ये खरेदी करता येईल. शाओमी रेडमी नोट 5 प्रो 11 हजार 700 रुपयांमध्ये खरेदी करण्यासाठी तुमच्याकडे एसबीआयचं क्रेडिट कार्ड असणं गरजेचं आहे. एसबीआय कार्डद्वारे हा फोन खरेदी केल्यास 10 टक्के डिस्काउंट मिळेल. याशिवाय 2 हजार 167 रुपयांच्या किमान नो-कॉस्ट इएमआयवरही खरेदी करु शकतात. फोन-पे या अॅपद्वारे खरेदी केल्यासही 10 टक्के डिस्काउंट मिळेल. रेडमी नोट 5 प्रो मध्ये 5.9 इंचाचा फुलएचडी+ डिस्प्ले आहे. 4 जीबी रॅम असलेल्या या फोनमध्ये स्नॅपड्रॅगन 636 प्रोसेसर आहे.
