News Flash

आनंदी राहण्यासाठी खास टिप्स

मूड नक्की बदलू शकेल

व्यक्तीच्या जबाबदाऱ्या जशा वाढतात तशी ती जास्त गंभीर व्हायला लागते. मग एक टप्पा असा येतो की अनेक जबाबदाऱ्या सांभाळताना प्रचंड ताण येतो. या परिस्थितीदेखील स्वत:ला आनंदी ठेवता येऊ शकते. परिणामी आपली जीवनशैली जास्त आनंददायी होण्यास मदत होते. काही सोपे उपाय केल्यास धकाधकीच्या जीवनातदेखील आनंदी राहता येते.

दुसऱ्यांचे यश पाहून तुम्ही घाबरुन जाऊ नका

इतर लोक आपल्या आयुष्यातील ध्येय साध्य करण्यासाठी प्रयत्न करत असतील तर त्यांना पाहून तुम्ही घाबरुन जाण्याचे कारण नाही. तुम्ही तुमच्या ध्येयाच्या दिशेने वाटचाल करणे आवश्यक आहे. प्राप्त केलेल्या यशात जास्त वेळ गुंतून न राहाता नवीन गोष्टींवर लक्ष केंद्रित करणे गरजेचे आहे.

तुमच्या कार्यात सहाय्य न करणाऱ्यांकडे दुर्लक्ष करा

तुमच्याकडे अनेकजण त्यांच्या अडचणी घेऊन येत असतील आणि तुम्ही अडचणीत असता तुमच्याकडे पाठ फिरवत असतील, तर अशा व्याक्तींना वेळीच ओळखा. केवळ स्वत:च्या फायद्यासाठी तुमचा उपयोग करणाऱ्यांना लांबच ठेवा.

महत्त्वाच्या नसलेल्या गोष्टींवर वेळ वाया घालू नका

साप्ताहिक सुटीच्या दिवशी नवीन गोष्टी करणे, स्वत:ला वेळ देणे अपेक्षित असते. असे न करता केवळ सोशल मीडियावरच वेळ घालवत असाल तर ते टाळा. आळस झटकून स्वत:च्या आवडीनिवडी जपा, मित्रपरिवार आणि कुटुंबासाठी वेळ द्या.

नाहक दुसऱ्यांच्या जबाबदाऱ्या घेऊ नका

काही वेळा लोकांनी तुम्हाला गळ घातल्यामुळे तुम्ही त्यांचे काम तुमच्यावर ओढवून घेता. मात्र हे तुमच्यासाठी ताण देणारे ठरु शकते. म्हणून हातातले काम अपूर्ण असताना दुसऱ्याचे काम ओढवून घेऊ नका.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 18, 2017 1:53 pm

Web Title: follow this amazing things to stay happy important tips
Next Stories
1 विविध रोगांविरोधात लसूण उपयुक्त
2 तुमचंही काजळ पसरतंय? ‘हे’ करुन पाहा
3 बचतीचे ‘हे’ पर्याय तुम्हाला माहितीयेत? 
Just Now!
X