23 September 2020

News Flash

गुगल प्ले-स्टोअर आणि अ‍ॅपल अ‍ॅप स्टोअरने हटवला लोकप्रिय ‘ऑनलाइन बॅटल गेम’, कारण…

अ‍ॅपल आणि गुगलने केली कारवाई...

लोकप्रिय ऑनलाइन बॅटल गेम ‘फोर्टनाइट’ (Fortnite) खेळणाऱ्यांसाठी वाइट बातमी आहे. कारण, हा गेम अ‍ॅपल आणि गुगलने आपल्या प्लॅटफॉर्मवरुन हटवला आहे.

अ‍ॅपलने आपल्या अ‍ॅप स्टोअरवरुन आणि गुगलने प्ले-स्टोअरवरुन फोर्टनाइट गेम हटवला आहे. फोर्टनाइट गेम बनवणाऱ्या एपिक गेम्सने युजर्सना पेमेंट करण्यासाठी थेट पर्याय दिल्यामुळे अ‍ॅपल आणि गुगलने ही कारवाई केली आहे.

कारण, फोर्टनाइटची नवीन डायरेक्ट पेमेंट सिस्टिम अ‍ॅपल आणि गुगलसाठी फायदेशीर नाही. फोर्टनाइट हा गेम फ्रीमध्ये उपलब्ध असतो. पण, अतिरिक्त शस्त्र आणि साहित्य विकत घेण्यासाठी युजर्सना पैसे भरावे लागतात. युजर्सने गेममध्ये अतिरिक्त साहित्य पैसे देऊन खरेदी केल्यास त्या पैशांमधून गुगल आणि अ‍ॅपल ३० टक्के रक्कम कापून घेत असते.

मात्र, गुरूवारी फोर्टनाइट गेमच्या डेव्हलपर्सनी अ‍ॅपल आणि अँड्रॉइड दोन्ही युजर्सना डायरेक्ट पेमेंट करण्याचा पर्याय गेममध्येच दिला. त्यानंतर नपल आणि गुगलने पॉलिसीचं उल्लंघन केल्याचं सांगत हा गेम आपल्या प्लॅटफॉर्मवरुन हटवला आहे.

गेम हटवण्यात आला असला तरी, अँड्रॉइड युजर्स हा गेम एपिक गेम्स अ‍ॅप किंवा सॅमसंगच्या गॅलेक्सी स्टोअरमधून डाउनलोड करु शकतात. मात्र, आयफोन युजर्ससाठी सध्या कोणता पर्याय उपलब्ध नाहीये.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 14, 2020 10:39 am

Web Title: fortnite removed from google play store and apple app store check details sas 89
Next Stories
1 चार कॅमेऱ्यांच्या ‘स्वस्त’ स्मार्टफोनचा आज ‘सेल’, किंमत 10 हजारांपेक्षाही कमी
2 Whatsapp युजर्ससाठी ‘बॅड न्यूज’, नाही मिळणार ‘हे’ शानदार फीचर
3 Video Call साठी आकारला जातोय ISD कॉलचा दर ; मात्र ‘ही’ ट्रीक वापरल्यास होऊ शकतो फायदा
Just Now!
X