News Flash

गुगलचा मोठा निर्णय, Google Meet चे नियम बदलणार; ग्राहकांना बसणार हा फटका

नवीन नियम गुगलच्या जी सूट आणि जी एज्युकेशनच्या सेवांनाही लागू होणार आहेत.

गुगलने आपल्या व्हिडीओ कॉन्फरन्सिंग अॅपसंदर्भात मोठी घोषणा करताना या अॅपची मोफत सेवा लवकरच बंद होणार असल्याचे म्हटले आहे. ‘गुगल मीट’च्या मोफत व्हर्जनमध्ये ३० सप्टेंबरनंतर मोठा बदल होणार आहे. ३० सप्टेंबरनंतर गुगल मीट केवळ ६० मिनिटांची मोफत सेवा देईल. मात्र या कालावधीनंतरही बोलायचे असल्यास शुल्क मोजावे लागणार आहे. ३० सप्टेंबरपासून गुगलच्या सेवांचे नियम बदलणार आहे.

नवीन नियम गुगलच्या जी सूट आणि जी एज्युकेशनच्या सेवांनाही लागू होणार आहेत.  जी सूटसाठीही यापुढे पैसे मोजावे लागणार आहेत. नवीन अपडेटनुसार आता जी सूटसाठी महिन्याला २५ डॉलर म्हणजेच १८०० रुपये शुल्क मोजावे लागणार आहे. आधी ही सेवा मोफत होती. ज्याअंतर्गत एकाच वेळी अडीचशे जण सहभागी होऊ शकत होते. तर एकाच वेळी एक लाख जण हे टेलिकास्ट लाइव्ह पाहू शक होते. ही मीटिंग रेकॉर्ड करुन यासंदर्भातील माहिती गुगल ड्राइव्हवरही सेव्ह करण्याची सुविधा मोफत उपलब्ध होती.

 

कोरोना महामारी मुळे सगळ्या ठिकाणी अनेक महत्त्वाच्या मिटिंगसाठी व्हिडीओ कॉलिंगचा वापर वाढल्याचे चित्र दित आहे. व्हिडीओ कॉलिंगसाठी झूम अॅपचा वापर करणाऱ्या लोकांची संख्या प्रचंड आहे. याच पार्श्वभूमीवर गुगलनेसुद्धा गुगल मीट नावाचे व्हिडोओ अॅप बाजारात आणले.

अगोदर गुगल मीट चा वापर फक्त जीसूट यूजर्स करत होते. पण नंतर ही सेवा सर्वांसाठी उपलब्ध करुन देण्यात आली. अॅप ट्रैफिक ट्रॅक करणाऱ्या साईट दिलेल्या माहितीनुसार, १७ मे २०२० पर्यंत गुगल मीट चे डाउनलोड करणाऱ्यांची संख्या ही पाच कोटींपर्यंत होती. सात जुलैपर्यंत गुगल मीट युझर्सचा आकडा दहा कोटींच्याही पुढे गेला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 28, 2020 5:46 pm

Web Title: google big decision google meet rules will change customers shot akp 94
Next Stories
1 बारीकपणामुळे चिंताग्रस्त आहात ? मग आहारात करा ‘या’ पदार्थांचा समावेश!
2 पोटदुखी दूर करण्यासाठी खा लवंग; जाणून घ्या ‘हे’ १३ फायदे
3 लठ्ठपणामुळे निर्माण होते पीसीओएसची समस्या? जाणून घ्या लक्षणे
Just Now!
X