हीरो इलेक्ट्रिकने आपल्या 'फ्लॅश' या स्वस्त इ-स्कुटरवर डिस्काउंटची घोषणा केलीये. कंपनी या स्कुटरवर 7,088 रुपयांची सवलत देतेय, ही ऑफर मर्यादित कालावधीपर्यंतच असेल. डिस्काउंटनंतर ही इ-स्कुटर 29 हजार 990 रुपयांमध्ये खरेदी करता येईल. तर, ईशान्य भारतात ही स्कुटर खरेदी करण्यासाठी 32 हजार 710 रुपये मोजावे लागतील. याशिवाय पेटीएमद्वारे ही बाइक खरेदी केल्यास कंपनीकडून 10 हजार 500 रुपयांपर्यंतचे बेनिफिट्स मिळतील. या इलेक्ट्रिक स्कुटरमध्ये LED हेडलाइट्स , मोबाइल चार्जिंग, रिजनरेटिव ब्रेकिंग सिस्टिम यांसारखे फीचर्स आहेत. स्कुटरचं वजन केवळ 69 KG असून कमी वजनामुळे ही स्कुटर सहजरित्या हाताळता येते. या स्कुटरमध्ये 48V बॅटरी दिली असून एकदा चार्ज केल्यास 50 किमीची रेंज मिळेल. ही बॅटरी पूर्ण चार्ज होण्यासाठी आठ तासांचा वेळ लागतो. भारतात ही स्कुटर 615 टचपॉइंट्सवर उपलब्ध आहे.
