होंडा टू-व्हिलर्स इंडियाने आपली लोकप्रिय बाईक Honda cb unicorn 160 चं भारतातील उत्पादन बंद केल्याचं वृत्त आहे. कंपनीच्या संकेतस्थळावर ही बाईक अद्याप सीबीएस प्रकारात उपलब्ध असल्याचं दिसतंय मात्र अजूनही कंपनीने ही बाईक नव्या नियमांनुसार  आवश्यक असलेल्या एबीएस फीचरसह अपग्रेड केलेली नाही. परिणामी कंपनी ही बाईक बंद करण्याच्या विचारात असण्याची  शक्यता आहे. अशातच होंडाच्या देशभरातील बहुतांश डिलर्सनी आपल्याकडे या बाईकचा स्टॉक नसल्याचं सांगितलं, तसंच ग्राहक देखील आता या बाईकची मागणी करत नाहीत असं सांगितलं. फायनान्शिअल टाइम्सने याबाबतचं वृत्त दिलं आहे.

या वृत्तानुसार, आकडेवारीवर नजर टाकल्यास गेल्या वर्षभरात unicorn 160 च्या केवळ 13 हजार 266 युनिट्सची विक्री झाली आहे. म्हणजे एका महिन्यात अवघ्या 1 हजार बाईक्सची विक्री झाली. त्यामुळे कंपनीने unicorn 160 चं उत्पादन थांबवलं असल्याची चर्चा आहे. थोड्याच दिवसात ही बाईक कंपनीच्या संकेतस्थळावरुन देखील हटवली जाणार असल्याची माहिती आहे. पण कंपनीने याबाबत अधिकृत माहिती अद्याप दिलेली नाही.

Elders Recreate Butterfly Song Dance cute video goes Viral
आयुष्य हे मनसोक्त जगावं! ‘बटरफ्लाय’ गाण्यावर वृद्ध लोकांचा भन्नाट डान्स, डान्स स्टेप्स एकदा पाहाच, VIDEO व्हायरल
chinese company spending huge amount on shameless sales training skills for employees
“तुम्ही जितके निर्लज्ज व्हाल तितका तुमचा पगार वाढेल”, ‘ही’ कंपनी कर्मचाऱ्यांना देत आहे निर्लज्ज होण्याचे प्रशिक्षण
quarantine ship in mauritus
मॉरिशसमध्ये अख्खे जहाजच केले क्वारंटाईन; ३,००० हून अधिक लोक अडकले समुद्रात; नेमके प्रकरण काय?
UK First Lady Akshata Murty visits Bengaluru book market with Narayana Murthy Video Viral
“याला म्हणतात साधेपणा!” ब्रिटीश पंतप्रधानांच्या पत्नी असूनही रस्त्यावर पुस्तक खरेदी करताना दिसल्या अक्षता मूर्ती, Video Viral

Unicorn 150 ची डिमांड –

सध्या बाजारात Unicorn 160 ला अत्यल्प प्रतिसाद मिळत असला तरी Unicorn 150 ची डिमांड दिवसेंदिवस वाढतेय. मे महिन्यात कंपनीने युनिकॉर्न 150 च्या जवळपास 27,000 युनिट्सची विक्री केली. विशेष म्हणजे या बाईकच्या किंमतीत कंपनीने 7 हजार रुपयांची वाढ करुनही ग्राहकांकडून या बाईकची मागणी कमी झालेली नाही. Honda CB Unicorn 150 ABS ची दिल्ली एक्स-शोरुम किंमत 78 हजार 815 रुपये आहे, तर नॉन-एबीएस व्हेरिअंटची किंमत 72 हजार 315 रुपये आहे. याशिवाय, कंपनीने मे महिन्यात आपल्या ‘एक्स-ब्लेड’ या दुसऱ्या स्टायलिश बाईकच्या 4 हजारापेक्षा अधिक युनिट्सची विक्री केली, तर ‘हॉर्नेट’च्या 2 हजार 600 हून अधिक युनिट्सची विक्री झाली. या दोन्ही बाईकच्या पुढील चाकाला कंपनीने ABS फीचर दिलं आहे. मिळालेल्या माहितीनुसार, कंपनी आता नव्या मॉडल्सवर काम करत असून या वाहनांची बीएस-6 आणि सुरक्षिततेच्या नव्या मानकांनुसार निर्मिती केली जाणार आहे.