स्वस्त व कमी बजेटमधील Honor 9S या स्मार्टफोनचा आज(दि.21) सेल आहे. कंपनीने 31 जुलै रोजी हा फोन भारतात लाँच केला होता. आज दुपारी 12 वाजेपासून या फोनसाठी ई-कॉमर्स वेबसाइट फ्लिपकार्टवर सेलला सुरूवात होईल. सेलमध्ये या फोनच्या खेरदीवर काही आकर्षक ऑफरही आहेत. ऑफरनुसार एसबीआयच्या क्रेडिट कार्डद्वारे Honor 9S खरेदी करणाऱ्यांना 5 टक्के कॅशबॅकची ऑफर मिळेल. तसेच, Flipkart Axis Bank क्रेडिट कार्डवर आणि Axis Bank Buzz क्रेडिट कार्डद्वारे हा फोन खरेदी करणाऱ्यांनाही 5 टक्के सवलत मिळेल. याशिवाय दर महिन्याला 723 रुपये नो कॉस्ट ईएमआय आणि स्टँडर्ड ईएमआयचा पर्यायही ग्राहकांना मिळेल . Honor 9S हा फोन 2जीबी रॅम आणि 32 जीबी स्टोरेज या एकाच व्हेरिअंटमध्ये उपलब्ध आहे. 32 जीबी इंटरनल स्टोरेजसोबत येणाऱ्या या फोनमध्ये डेडिकेटेड माइक्रोएसडी कार्ड स्लॉट दिला आहे. याद्वारे स्टोरेज 512 जीबीपर्यंत वाढवता येणं शक्य आहे. हा फोन ब्लू आणि ब्लॅक अशा दोन रंगात खरेदी करता येईल. ऑनरच्या या स्मार्टफोनमध्ये 5.45 इंचाचा एचडी प्लस डिस्प्ले आहे. अँड्रॉइड 10 Magic UI 3.1 वर आधारित या फोनमध्ये MediaTek Helio P22 प्रोसेसर दिला आहे. Honor 9S फोनमध्ये गुगल प्ले स्टोअरऐवजी Huawei’ची अॅपगॅलरी मिळते. Honor 9S फोनच्या मागील बाजूला 8 मेगापिक्सेलचा कॅमेरा आहे. तर, सेल्फीसाठी या फोनमध्ये 5 मेगापिक्सेलचा फ्रंट कॅमेरा मिळेल. याशिवाय 3020mAh बॅटरी यात आहे. किंमत : 6 हजार 499 रुपये इतकी या फोनची किंमत आहे.
