News Flash

चिनी कंपन्यांविरोधात कारवाई सुरूच, अजून दोन लोकप्रिय चिनी अ‍ॅप्स भारतात ‘बॅन’

गुगलच्या प्ले-स्टोअर आणि अ‍ॅपलच्या अ‍ॅप स्टोअरमधून दोन्ही Apps हटवण्याच्या सूचना

भारत सरकारची चिनी कंपन्यांविरोधात कारवाई सुरूच आहे. आता सरकारने चिनी सर्च इंजिन Baidu आणि सोशल मीडिया प्लॅटफॉर्म Weibo भारतात बॅन केले आहेत. ब्लॉक करण्यात आलेल्या या दोन्ही अ‍ॅप्सचा समावेश चीनमधील सर्वाधिक लोकप्रिय अ‍ॅप्समध्ये होतो.

टाइम्स ऑफ इंडियाच्या वृत्तानुसार, इंटरनेट सेवा पुरवणाऱ्या कंपन्यांना (IPSs)Baidu आणि Weibo हे दोन्ही अ‍ॅप्स ब्लॅक करण्यास सांगण्यात आले आहे. याशिवाय, गुगलच्या प्ले-स्टोअर आणि अ‍ॅपलच्या अ‍ॅप स्टोअरमधूनही हे अ‍ॅप्स हटवण्याच्या सूचना देण्यात आल्या आहेत.

सोशल मीडिया प्लॅटफॉर्म Weibo वर पंतप्रधान नरेंद्र मोदींचंही अकाउंट होतं. मात्र लडाख सीमेवरील धुमश्चक्रीनंतर भारत-चीन यांच्यात निर्माण झालेल्या तणावाच्या पार्श्वभूमीवर भारताने ५९ चिनी अ‍ॅपवर बंदी घालण्याचा निर्णय घेतल्यानंतर मोदींनी हे अकाउंट बंद केलं होतं.

५९ चिनी अ‍ॅप्स बॅन केल्यानंतर २७ जुलै रोजी सरकारने अजून ४७ चिनी अ‍ॅप्स बॅन केल्याचं वृत्त आलं होतं. Baidu आणि Weibo हे दोन्ही अ‍ॅप्स त्या ४७ अ‍ॅप्सपैकी असल्याचं सांगितलं जात आहे.

दरम्यान, नव्याने बॅन करण्यात आलेल्या ४७ अ‍ॅप्समध्ये बहुतांश ‘क्लोनिंग’ अ‍ॅपचा समावेश आहे. याशिवाय युजरची खासगी माहितीचोरी, तिचा गैरवापर, राष्ट्रीय सुरक्षेला धोका यांच्या आधारे सरकार अजून काही चिनी अ‍ॅप्सवर कारवाई करण्याची शक्यता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 4, 2020 12:43 pm

Web Title: india blocks top chinese apps baidu and weibo to be taken off from app stores sas 89
Next Stories
1 Realme Smart TV खरेदी करण्याची आज संधी, डिस्काउंटसह मिळेल कॅशबॅकचीही ऑफर
2 वनप्लसने पुढे ढकलला ‘स्वस्त नॉर्ड’चा Open Sale, जाणून घ्या नवीन तारीख
3 Samsung Independence Day Offer : टीव्ही व फ्रीजच्या खरेदीवर मोबाइल फ्री; जाणून घ्या ऑफर
Just Now!
X