लोकप्रीय फोटो-मेसेजिंग अॅप इन्स्टाग्राम एक नवं फिचर पडताळून पाहत आहे. या फिचरद्वारे विद्यार्थ्यांना त्यांच्या कॉलेज ग्रुपमधील सहकारी आणि बॅचमेट्स शोधण्यात मदत होणार आहे. या फिचरमध्ये विद्यार्थ्यांना प्रोफाईल बनवल्यानंतर त्यांचं कॉलेज आणि कोणत्या वर्षी कॉलेजमध्ये प्रवेश घेतला होता हे सिलेक्ट करावं लागेल. यामुळे युजरला त्यांच्या कॉलेजमधील मिसिंग फ्रेंडला शोधणं किंवा त्याला थेट मेसेज करणं अगदी सोपं होणार आहे. सध्या या फिचरवर केवळ प्रायोगीक तत्वावर काम सुरू आहे. मात्र, फिचरची चाचणी यशस्वीरित्या पूर्ण झाल्यानंतर लवकरच जगभरातील युजर्सना हे फिचर उपलब्ध करुन दिलं जाणार आहे. या फिचरद्वारे अधिकाधीक तरुणांना आकर्षित करण्याचा इंस्टाग्रामचा प्रयत्न असणार आहे. गेल्या काही दिवसांमध्ये इंस्टाग्रामने इनेक फिचर्स जारी केले आहेत. यामध्ये इंस्टाग्राम टीव्ही(आयजीटीव्ही), व्हिडीओ चॅट, फिल्टर्स आदींचा समावेश आहे. सध्या १ अब्जाहून अधिक युजर्स इंस्टाग्रामचा दरमहिन्याला वापर करतात.
