विविध क्षेत्रांमध्ये कार्यरत असलेल्या आयटीसी समूहाने जगातील सर्वात महागडं चॉकलेट (World's Most Expensive Chocolate)सादर केलं आहे. कंपनीने आपल्या 'फॅबल' ब्रँड अंतर्गत हे चॉकलेट लाँच केलंय. आयटीसीने आपला लग्जरी ब्रँड फॅबलच्या रेंजमध्ये 'ट्रिनिटी ट्रफल्स एक्ट्राऑर्डिनेअर' ('Trinity - Truffles Extraordinaire') नावाने हे चॉकलेट सादर केलं आहे. लाँच होताच या चॉकलेटची नोंद गिनीज वर्ल्ड रेकॉर्डमध्ये झाली असून हे जगातील सर्वात महागडं चॉकलेट असल्याचं सांगितलं जात आहे. And it's official! Fabelle along with Michelin Star Chef Philippe Conticini bring alive the Fabelle Trinity Truffles Extraordinaire - the most expensive chocolate, an official title Fabelle has achieved by the @GWR #MostExpensive #GuinnessWorldRecords #TrinityDecoded pic.twitter.com/VshatdjwJh— Fabelle Chocolates (@Fabelle) October 22, 2019 या चॉकलेटची प्रति किलोग्रॅम किंमत तबब्ल 4.3 लाख रुपये इतकी आहे. ट्रिनिटी ट्रफल्स एक्ट्राऑर्डिनेअरच्या 15 ट्रफल्सचा (कँडी) बॉक्स एक लाख रुपयांमध्ये मिळेल. म्हणजेच एका कँडीची किंमत जवळपास 6667 रुपये आहे. प्रत्येक कँडीचं वजन 15 ग्रॅम असून हे चॉकलेट हाताने बनवलेल्या लाकडाच्या बॉक्समध्ये उपलब्ध असतील. यामध्ये 15 ग्रॅमची 15 ट्रफल्स असतील. या बॉक्सची किंमत सर्व करांसहित एक लाख रुपये असणार आहे. Fabelle creates HISTORY! Fabelle along with Michelin Star Chef Philippe Conticini bring alive the Fabelle Trinity Truffles Extraordinaire - the most expensive chocolate, an official title Fabelle has achieved by the Guinness World Records. pic.twitter.com/ZkABzZ1Fgn— Fabelle Chocolates (@Fabelle) October 22, 2019 "लग्जरी चॉकलेटच्या मार्केटमध्ये आम्ही देशातच नव्हे तर जगभरात 'बेंचमार्क' स्थापित केलाय, कारण आमच्या चॉकलेटचा समावेश गिनीज वर्ल्ड रेकॉर्डमध्ये झाला आहे", अशी प्रतिक्रिया आयटीसीचे चीफ ऑपरेटिंग ऑफिसर (फूड डिव्हिजन) अनुज रुस्तगी यांनी दिलीये.
