28 February 2021

News Flash

मोबाईल बँकिंग करताय? हे वाचाच

सुरक्षेसाठी काळजी घेणे महत्त्वाचे

नोटाबंदीमुळे ई-व्यवहार करण्यावर नागरीकांनी भर दिला. यामध्ये नेटबँकिंगबरोबरच मोबाईल बँकिंगलाही ग्राहकांची मोठ्या प्रमाणात पसंती मिळत आहे. मोबाईलच्या एका क्लीकवर व्यवहार करणे शक्य झाल्याने अनेक जण त्याचा वापर करु लागले. मात्र हे करताना तुमची फसवणूक होणार नाही ना याची काळजी घेणे महत्त्वाचे आहे. मोबाईल हरवल्यामुळे किंवा खराब झाल्यामुळे या व्यवहारांवर काही परिणाम होण्याची शक्यता असते. मात्र आर्थिक व्यवहारांच्या बाबतीत निष्काळजीपणा न करता योग्य ती काळजी घेतल्यास त्याचा निश्चितच उपयोग होतो. पाहूयात सुरक्षित मोबाईल बँकिंगसाठीच्या खास टिप्स…

१. मोबाईलला लॉक ठेवा, यासाठी एखादा पासवर्ड सेट करा. यामुळे मोबाईल कधी हरवला तरी काही गैरव्यवहार होऊ शकणार नाही.

२. तुम्ही ज्या बँकेचे अकाऊंट वापरता त्याला मोबाईल क्रमांक आणि ई-मेल आयडी रजिस्टर करा. त्यामुळे तुम्हाला वेळोवेळी बँकेचे अपडेटस येत राहतील.

३. मोबाईल रिपेअरींगला किंवा दुसऱ्या कोणाला वापरण्यासाठी देणार असाल तर ब्राऊजिंग हिस्टरी, कॅशे क्लिअर करा.

४. मोबाईल कोणाला देत असाल तर तुम्ही वापरत असलेले बँकेचे अॅप्लिकेशन काही काळाकरता ब्लॉक करा. बँकेत सांगून अशाप्रकारे अॅप ब्लॉक करण्याची सुविधा वापरता येऊ शकते.

५. बँकेशी निगडित व्यवहाराबाबत कोणतीही गोष्ट मोबाईलमध्ये सेव्ह करु नका. अनेकदा आपण विसरतो म्हणून मेसेज, नोटस किंवा इतर ठिकाणी पासवर्ड किंवा इतर माहिती सेव्ह करुन ठेवतो. पण अशाप्रकारे माहिती सेव्ह करणे धोक्याचे ठरु शकते.

६. मोबाईल बँकिंगसाठी तुमची सिस्टीम अपग्रेड असणे गरजेचे असते. तसेच तुमचा ब्राऊजर अपडेट आहे ना हे तपासून पाहा.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 17, 2019 7:31 pm

Web Title: mobile banking easy security tips
Next Stories
1 जुने स्पीकर होणार Alexa प्रमाणे स्मार्ट, अॅमेझॉनने लाँच केलं Echo Input
2 बुटांच्या जगातही डिजीटल युग ! Nike चे ऑटोमॅटिक फिटिंग Smart शूज
3 मधुमेह आणि स्थूलता अनुवंशिक आहे?
Just Now!
X