मुंबईतील नेहरू सायन्स सेंटरमध्ये (नॅशनल काउन्सिल ऑफ सायन्स म्युझियम्स) काम करण्याची संधी आहे. नोकरीच्या शोधात असणाऱ्यांसाठी ही आनंदाची बातमी आहे. येथे प्रशिक्षार्थी (क्राफ्ट) व शिकाऊ उमेदवारांच्या भरतीकरिता जाहिरात निघाली आहे. (१) प्रशिक्षार्थी (क्राफ्ट) - ड्राफ्ट्समन (मेकॅनिकल) - १ पद, रेफ्रिजरेशन अँड एअरकंडिशिनग - १ पद. पात्रता - संबंधित ट्रेडमधील एसएससी व आयटीआय प्रमाणपत्र २०१७ किंवा त्यानंतर उत्तीर्ण. प्रशिक्षणाचा कालावधी १ वर्षांचा असेल जो १ वर्षांने वाढविला जाऊ शकतो. स्टायपेंड - उमेदवारांना दरमहा रु. १०,०००/- स्टायपेंड दिला जाईल. (२) शिकाऊ उमेदवार (अॅप्रेंटिसेस) कारपेंटरी - २ पदे. फिटिंग - १ पद, वेल्डिंग - १ पद, इलेक्ट्रॉनिक्स मेकॅनिक - १ पद. पात्रता - संबंधित ट्रेडमधील एसएससी व आयटीआय उत्तीर्ण. प्रशिक्षण - कालावधी १ वर्षांचा असेल. स्टायपेंड - उमेदवारांना दरमहा रु. ७,८७७/- स्टायपेंड दिले जाईल. शिकाऊ उमेदवारीकरिता, पात्र उमेदवारांनी स्वत:ला www.apprenticeship.gov.in या अॅप्रेंटिस पोर्टलवर नोंदणी केलेली आहे. ते लेखी/ट्रेड चाचणीकरिता थेट मुलाखत देऊ शकतील. उमेदवारांनी अर्हता व जन्मतारखेच्या पुष्टय़र्थ त्यांच्या प्रमाणपत्रांच्या साक्षांकित प्रती तसेच एक पासपोर्ट आकाराचा फोटो, मूळ प्रमाणपत्रे सोबत आणणे आवश्यक आहेत. जाहिरातीचा तपशील आणि विहित अर्ज प्रपत्रे www.nehrusciencecentre.gov.in या संकेतस्थळावरून डाऊनलोड करता येतील. पूर्ण भरलेले अर्ज प्रपत्रे चाचणीच्या वेळी दि. ६ फेब्रुवारी २०२० रोजी सकाळी ९.३० वाजता सादर करण्यात यावीत. मुलाखतीचे वॉक-इन-टेस्टचे ठिकाण वर दिल्याप्रमाणे. नेहरू सायन्स सेंटरचा टेलिफोन नं. ०२२- २४९३२६६७ / २४९२०४८२