OnePlus 7T and OnePlus TV Launch : बहुप्रतीक्षित OnePlus 7T मोबाइल आणि वनप्लस टीव्ही गुरूवारी भारतात लाँच झाला. वनप्लसच्या स्मार्टफोनची किंमत ३७ हजार ९९९ रुपये इतकी असून टीव्हीची किंमत ६९ हजार ९९० रुपये इतकी आहे. OnePlus 7T हा मोबाइल OnePlus 7 चे अपग्रेडेड व्हर्जन असून यामध्ये काळानुसार अपडेड्स दिल्याचा दावा कंपनीने केला आहे. One Plus 7T ची विक्री अॅमेझॉनच्या प्राईम मेंबर्ससाठी २८ सप्टेंबरपासून सुरू होणार आहे. या फोनमध्ये तीन रिअर कॅमेरे देण्यात आले आहेत. यात 48MP प्रायमरी कॅमेरा देण्यात आला आहे. तर,117° अल्ट्रा वाईड लेन्स आणि 2x टेलीफोटो लेन्स देण्यात आली आहे. Introducing the OnePlus 7T pic.twitter.com/9posGe1E0n — OnePlus India (@OnePlus_IN) September 26, 2019 OnePlus 7T या स्मार्टफोनमध्ये कंपनीने दोन पर्याय दिले आहेत. पहिला पर्याय ८ जीबी रॅम आणि १२८ स्टोरेज असा असून या फोनची किंमत ३७ हजार ९९९ रुपये तर ८ जीबी रॅम २५६ स्टोरेजच्या फोनची किंमत ३९ हजार ९९९ रुपये इतकी आहे. १६ मेगापिक्सलचा फ्रंट कॅमेरा असून या फोनमध्ये ३,८०० एमएएच क्षमतेची बॅटरी देण्यात आली आहे. कंपनीने लाँच केलेल्या वनप्लस ७ टीमध्ये दमदार प्रोसेसर, कॅमेरा आणि मोठा डिस्प्ले देण्यात आला आहे. नव्या स्मार्टफोनच्या टचस्क्रीनवर कंपनीने विशेष लक्ष दिले आहे. स्मार्टफोनमध्ये आणखी काय ? स्नॅपड्रॅगन 855+ सोबत 90Hz स्क्रीन ६.५५ फुल एचडी प्लस फ्लूयड एलईडी १६ मेगापिक्सल अल्ट्रवाइड १२ मेगापिक्सल टेलेफोटो क्वालक्वाम स्नॅपड्रॅगन ८५५ फ्रिंगरप्रिंट ‘वनप्लस टीव्ही’चे फिचर्स Android TV बेस्ड कस्टम ऑपरेटिंग सिस्टम ५५ इंच वेरियंटमध्ये लाँच हाय-एण्ड वेरियंट 4kHDR डिस्प्लेला ८ इनबिल्ड स्पिकर गूगल प्ले स्टोर वापरता येणार Dolby Atmos आणि Dolby Vision चे सपोर्ट
