Realme चा Narzo 10 हा स्मार्टफोनच्या विक्रीसाठी आज (दि.28) फ्लॅश-सेलचं आयोजन करण्यात आलं आहे. दुपारी 12 वाजेपासून हा फोन फ्लिपकार्ट आणि रिअलमीच्या वेबसाइटवर सेलमध्ये उपलब्ध असेल. या सेलमध्ये ग्राहकांना आकर्षित करण्यासाठी कंपनीने फोनच्या खरेदीवर काही शानदार ऑफरही ठेवल्या आहेत. ऑफर :- फ्लिपकार्टवरुन ‘अ‍ॅक्सिस बँक बझ क्रेडिट कार्ड’द्वारे Narzo 10 फोन खरेदी केल्यास पाच टक्के डिस्काउंटची ऑफर आहे. याशिवाय फ्लिपकार्ट अ‍ॅक्सिस बँक क्रेडिट कार्डद्वारे हा फोन खरेदी करणाऱ्यांना पाच टक्के कॅशबॅकची ऑफर मिळेल. याशिवाय फ्लिपकार्टच्या वेबसाइटवर एसबीआयच्या क्रेडिट कार्डवर पाच टक्के इंस्टंट डिस्काउंट आहे. तसेच, 1,334/ रुपये दर महिन्यानुसार नो-कॉस्ट ईएमआयचा पर्यायही ग्राहकांना मिळेल. Realme Narzo 10 स्पेसिफिकेशन्स आणि किंमत:- Realme Narzo 10 ग्रीन, ब्लू आणि व्हाइट अशा तीन कलरमध्ये खरेदी करता येईल. Realme Narzo 10 मध्ये 6.5 इंचाचा HD+ डिस्प्ले असून स्मार्टफोनमध्ये वॉटरड्रॉप स्टाइल नॉच आहे. MediaTek Helio G80 चिपसेटचा यामध्ये वापर करण्यात आला आहे. स्मार्टफोनमध्ये 4 जीबी रॅमसोबत 128 जीबी इंटरनल स्टोरेज आहे. डोळ्यांची विशेष काळजी घेण्यासाठी यामध्ये आय-केअर मोड आहे. या स्मार्टफोनमध्ये क्वॉड रिअर कॅमेरा सेटअप मिळतो. यातील 48 मेगापिक्सलचा मुख्य कॅमेरा आहे. तर अन्य तीन कॅमेरे अनुक्रमे 8 मेगापिक्सल + 2 मेगापिक्सल + 2 मेगापिक्सलचे आहेत. सेल्फी आणि व्हिडिओ कॉलिंगसाठी यात AI सपोर्टसह 16 मेगापिक्सलचा फ्रंट कॅमेरा आहे. सुपर नाइटस्केप मोडचाही पर्याय यामध्ये युजर्सना मिळेल. याशिवाय फोनमध्ये फास्ट चार्जिंगच्या सपोर्टसह 5000mAh क्षमतेची दमदार बॅटरी मिळेल. 11 हजार 999 रुपये इतकी Narzo 10 या स्मार्टफोनची किंमत कंपनीने ठेवली आहे.
