देशातील आघाडीची टेलिकॉम कंपनी रिलायन्स जिओ आपल्या युजर्ससाठी सतत नवनवीन प्लॅन्स आणत असते. सध्या कंपनीकडे जास्त डेटाची सुविधा देणारे अनेक प्लॅन्स आहेत. आज आम्ही तुम्हाला जिओच्या अशाच एका प्लॅनबाबत माहिती देणार आहोत, ज्यामध्ये युजर्सना दररोज 3GB डेटा मिळतो, शिवाय 6GB अतिरिक्त डेटाही मिळतो. जिओचा 401 रुपयांचा प्लॅन :- रिलायन्स जिओच्या 401 रुपयांच्या रिचार्ज पॅकची व्हॅलिडिटी 28 दिवस आहे. या प्लॅनमध्ये दररोज 3 जीबी डेटा मिळतो. याशिवाय 6 जीबी अतिरिक्त डेटाही या रिचार्ज पॅकमध्ये मिळेल. दररोज मिळणारी डेटा मर्यादा संपल्यानंतर डेटा स्पीड कमी होऊन 64Kbps इतका असतो, म्हणजे एकूण 90GB हाय-स्पीड डेटा या रिचार्ज पॅकमध्ये ग्राहक वापरु शकतात. अन्य ऑफर्स :- 401 रुपयांच्या प्रीपेड प्लॅनमध्ये कॉलिंगसाठी जिओ-टू-जिओ अनलिमिटेड कॉलिंगची सेवा मिळते. तर, अन्य नंबरवर कॉलिंगसाठी 1000 मिनिटे मिळतात. याशिवाय युजर्सना जिओ अॅप्सची फ्री मेंबरशिपही मिळते. तसंच, या प्लॅनअंतर्गत युजर्सना Disney+ Hotstar VIP चं एका वर्षाचं मोफत सब्सक्रिप्शनही दिलं जातं.
