30 October 2020

News Flash

एका वर्षातच Royal Enfield ने बंद केली नवीन बाइक, वेबसाइटवरुन हटवली बाइक

ही 'स्क्रॅम्बलर स्टाइल' बाइक 'ऑफ-रोड रायडिंग'चा विचार करुन भारतीय बाजारात आणली होती, पण...

Royal Enfield ने भारतीय बाजारात गेल्या वर्षी मार्च महिन्यामध्ये Bullet Trials ही नवीन बाइक Bullet Trials 350 आणि Bullet Trials 500 अशा दोन प्रकारात लाँच केली होती. पण वर्षभरातच कंपनीने या बाइकचं प्रोडक्शन थांबवल्याची माहिती आहे. कंपनीने ही बाइक आपल्या वेबसाइटवरुनही हटवलीये. तर, काही दिवसांपूर्वीच कंपनीने भारतीय बाजारात BS6 इंजिनसह आपली लोकप्रिय Classic 350 ही ‘सर्वात स्वस्त’ BS6 बुलेट लाँच केलीये.

ग्राहकांकडून मागणी अत्यंत कमी असल्यामुळे Royal Enfield ने Bullet Trials 350 आणि Bullet Trials 500  या दोन्ही बाइक बंद करण्याचा निर्णय घेतल्याचं समजतंय. कंपनीच्या स्टँडर्ड बुलेट 350 वर आधारित ही स्क्रॅम्बलर स्टाइल बाइक ऑफ-रोड रायडिंगचा विचार करुन बाजारात आणली होती. Royal Enfield Bullet Trials 350 ची एक्स शोरुम किंमत 1.62 लाख रुपये, तर Bullet Trials 500 ची किंमत 2.07 लाख रुपये इतकी होती.

दुसरीकडे, कंपनीने आपला देशभरातील बीएस-4 गाड्यांचा स्टॉक संपवला आहे. कंपनीने क्लासिक आणि बुलेट मॉडेलला बीएस6 इंजिनमध्ये अपडेट केले असून लवकरच बीएस6 थंडरबर्ड 350 आणि थंडरबर्ड 350एक्स या दोन बाइक लाँच करण्याची शक्यता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 24, 2020 2:50 pm

Web Title: royal enfield bullet trials 350 trials 500 discontinued in india know details sas 89
Next Stories
1 रद्द झाला Redmi Note 9 Pro Max चा पहिला सेल, ‘शाओमी’ची घोषणा
2 ‘वर्क फ्रॉम होम’साठी Vodafoneचे तीन भन्नाट प्लॅन, दररोज 3GB डेटासह अनलिमिटेड कॉलिंगही
3 ‘करोना’मुळे इंटरनेटचा वापर वाढला, Amazon Prime ने घेतला मोठा निर्णय
Just Now!
X