01 December 2020

News Flash

Samsung Galaxy A21s भारतात झाला लाँच, जाणून घ्या किंमत आणि फीचर्स

सॅमसंगने भारतात लाँच केला शानदार स्मार्टफोन

सॅमसंगने भारतात आपला नवीन स्मार्टफोन Galaxy A21s लाँच केला आहे. या फोनमध्ये कंपनीने अनेक फीचर्स दिले आहेत. फोनच्या मागील बाजूला 48 मेगापिक्सलच्या मुख्य कॅमेऱ्यासह क्वॉड कॅमेरा म्हणजेच चार कॅमेऱ्यांचा सेटअप आहे. सॅमसंग गॅलेक्सी A21s मध्ये infinity-O डिस्प्ले असून याद्वारे युजर्सना दर्जेदार व्हिजुअल्सचा अनुभव मिळतो. तसेच या फोनमध्ये दमदार बॅटरीही देण्यात आली आहे.

किंमत :-
Samsung Galaxy A21s हा स्मार्टफोन ब्लॅक, व्हाइट आणि ब्लू अशा तीन रंगांच्या पर्यायांमध्ये आला आहे. 16,499 रुपये इतकी या फोनची बेसिक किंमत कंपनीने ठेवली आहे. ही किंमत 4GB रॅम आणि 64GB स्टोरेज व्हेरिअंटची आहे. तर, 6GB रॅम आणि 64GB स्टोरेज व्हेरिअंटची किंमत 18,499 रुपये आहे. सॅमसंगचा हा स्मार्टफोन आजपासून सर्व रिटेल स्टोअर्स, सॅमसंग ओपेरा हाउस, samsung.com आणि प्रमुख ऑनलाइन पोर्टलवर उपलब्ध असेल.

5,000 mAh ची दमदार बॅटरी :-
या फोनमध्ये 6.5 इंचाचा infinity-O डिस्प्ले असून 5,000 mAh क्षमतेची दमदार बॅटरी आहे. ही बॅटरी 21 तासांचा व्हिडिओ प्ले-बॅक सपोर्ट देते असा कंपनीचा दावा आहे. याशिवाय या फोनमध्ये Exynos 850 चिपसेट असून AI पॉवर्ड गेम बूस्टर 2.0 दिले आहे. यामुळे गेम खेळताना फ्रेम रेट आणि स्टेबिलिटी सुधारण्यास मदत होते, तसेच बॅटरीचाही कमी वापर केला जातो. फोनमध्ये 64GB इंटर्नल स्टोरेज असून 512GB पर्यंत स्टोरेज वाढवता येईल.

मागील बाजूला चार कॅमेऱ्यांचा सेटअप :-
अँड्रॉइड 10 ऑपरेटिंग सिस्टमवर हा फोन कार्यरत असून फेस रिकग्निशन आणि फिंगरप्रिंट सेंसर हे फीचर्सही फोनमध्ये आहेत. मागील बाजूला क्वॉड कॅमेरा सेटअप आहे. यातील मुख्य कॅमेरा 48 मेगापिक्सलचा आहे. तर, 8 मेगापिक्सलचा अल्ट्रा-वाइड लेंस आणि 2-2 मेगापिक्सलचे अन्य दोन कॅमेरे आहेत. याशिवाय सेल्फी आणि व्हिडिओ कॉलिंगसाठी फोनच्या पुढील बाजूला 13 मेगापिक्सलचा कॅमेराही आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 17, 2020 1:16 pm

Web Title: samsung galaxy a21s launched in india at rs 16499 know specifications and features sas 89
Next Stories
1 लॉकडाउनदरम्यानही अ‍ॅमेझॉनच्या जेफ बेझोस यांच्या संपत्तीत ४० अब्ज डॉलर्सची वाढ
2 Mi Notebook सीरिजच्या दोन्ही लॅपटॉपचा आज पहिला ‘सेल’, जाणून घ्या किंमत आणि ऑफर
3 ‘रेडमी नोट 9 प्रो मॅक्स’चा ‘सेल’, एअरटेल ग्राहकांना मिळेल डबल डेटाची ऑफर
Just Now!
X