News Flash

7,000mAh बॅटरीचा Samsung Galaxy F62 भारतात झाला लाँच, जाणून घ्या किंमत-फिचर्स

लाँचिंग ऑफरअंतर्गत Jio ग्राहकांना 7,000 रुपयांचे बेनिफिट्स, तसेच फोनसोबत 3,000 रुपयांपर्यंत कॅशबॅक ऑफरही

सॅमसंग कंपनीने भारतात तब्बल 7,000mAh बॅटरी क्षमता असलेला अजून एक स्मार्टफोन लाँच केला आहे. कंपनीने Samsung Galaxy F62 हा नवीन मिडरेंज स्मार्टफोन आणलाय. यापूर्वीही कंपनीने 7,000mAh बॅटरी असलेला Galaxy M51 आणला होता. Samsung Galaxy F62 मध्ये पंचहोल डिस्प्ले आहे. याशिवाय क्वॉड कॅमेरा सेटअप असून Exynos 9825 प्रोसेसर दिलं आहे. हे एक ऑक्टाकोर प्रोसेसर आहे. सॅमसंगच्या या फोनची टक्कर OnePlus Nord, Realme X3 SuperZoom आणि Realme X7 5G यांसारख्या स्मार्टफोनसोबत असेल.

Samsung Galaxy F62 स्पेसिफिकेशन्स :-
फोनमध्ये ड्युअल सिम सपोर्टसोबत अँड्रॉइड 11 आधारित One UI 3.1 आहे. फोनमध्ये 6.7 इंचाचा फुल एचडी प्लस सुपर अॅमोलेड डिस्प्ले आहे. याशिवाय फोनमध्ये ऑक्टाकोर Exynos 9825 प्रोसेसरही आहे. 8 जीबीपर्यंत रॅम आणि 128 जीबी स्टोरेज असलेल्या या फोनचं स्टोरेज मेमरी कार्डच्या मदतीने 1 टीबीपर्यंत वाढवता येणं शक्य आहे.

Samsung Galaxy F62 कॅमेरा :-
फोनमध्ये क्वॉड रिअर कॅमेरा सेटअप अर्थात मागील बाजूला चार कॅमेऱ्यांचा सेटअप आहे. त्यातील 64 मेगापिक्सलचा सोनी IMX682 सेन्सर मुख्य कॅमेरा आहे, तर दुसरा 12 मेगापिक्सेलचा अल्ट्रा वाइड अँगल, तिसरा 5 मेगापिक्सेल मॅक्रो आणि चौथा 5 मेगापिक्सेलचा डेफ्थ सेन्सर आहे. याशिवाय सेल्फीसाठी फोनमध्ये 32 मेगापिक्सेलचा फ्रंट कॅमेराही आहे. रिअर आणि फ्रंट दोन्ही कॅमेऱ्यांच्या मदतीने 4K व्हिडिओ रेकॉर्डिंग करता येते.

आणखी वाचा- स्वस्त झाला Samsung चा ‘बजेट’ स्मार्टफोन, मिळेल ट्रिपल रिअर कॅमेरा सेटअप + 5000mAh बॅटरी

Samsung Galaxy F62 बॅटरी :-
फोनमध्ये कनेक्टिव्हिटीसाठी Wi-Fi, ब्लूटूथ v5.0, GPS/A-GPS, NFC, USB टाइप-सी पोर्ट आणि 3.5एमएम हेडफोन जॅक मिळेल. फोनमध्ये साइड माउंटेड पॉवर बटणमध्ये फिंगरप्रिंट सेन्सर आहे. याशिवाय यामध्ये 25W फास्ट चार्जिंगसोबतच रिव्हर्स चार्जिंग सपोर्ट असलेली 7000mAh क्षमतेची बॅटरी आहे.

आणखी वाचा- लेटेस्ट बजेट स्मार्टफोन Poco M3 चा आज दुसरा सेल; किंमत 10,999 रुपये

Samsung Galaxy F62 ची किंमत :-
Samsung Galaxy F62 ची बेसिक किंमत 23 हजार 999 रुपये आहे. ही किंमत 6 जीबी रॅम आणि 128 जीबी स्टोरेज व्हेरिअंटची आहे. तर, 8 जीबी रॅम आणि 128 जीबी मॉडेलची किंमत 25 हजार 999 रुपये आहे. हा फोन लेजर ब्लू, लेजर ग्रीन आणि लेजर ग्रे अशा तीन कलर्समध्ये उपलब्ध असेल. 22 फेब्रुवारीपासून फ्लिपकार्ट, जिओ रिटेल स्टोअर आणि सॅमसंगच्या ऑनलाइन स्टोअरमधून या फोनची विक्री सुरू होईल. लाँचिंग ऑफरअंतर्गत जिओकडून 7,000 रुपयांचे बेनिफिट्स मिळतील, तसेच फोनसोबत 3,000 रुपयांपर्यंत कॅशबॅक ऑफरही मिळेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 16, 2021 4:15 pm

Web Title: samsung galaxy f62 with 7000mah battery and quad rear cameras launched in india sas 89
Next Stories
1 टूलकिट प्रकरण : दिल्ली पोलिसांनी Zoom कडे मागितली ‘त्या’ मिटिंगची सविस्तर माहिती
2 स्वस्त झाला Samsung चा ‘बजेट’ स्मार्टफोन, मिळेल ट्रिपल रिअर कॅमेरा सेटअप + 5000mAh बॅटरी
3 स्वस्तात विमान प्रवासाची संधी, ICICI बँकेने आणली जबरदस्त ऑफर
Just Now!
X