शानदार फीचर्स असलेला सॅमसंगचा Galaxy Note 10 Lite खरेदी करण्याचा विचार करत असाल तर तुमच्यासाठी चांगली बातमी आहे. या स्मार्टफोनवर 5000 रुपये कॅशबॅकची ऑफर आहे. लाँचिंगवेळी या फोनच्या बेसिक व्हेरिअंटची किंमत 38,999 रुपये आणि टॉप व्हेरिअंटची किंमत 40,999 रुपये होती. पण आता कॅशबॅक ऑफरमुळे हा फोन 34,999 रुपयांच्या बेसिक किंमतीमध्ये खरेदी करता येईल. काय आहे ऑफर सध्या अ‍ॅमेझॉन इंडियाच्या वेबसाइटवर 'गॅलेक्सी नोट 10 लाइट'च्या 6 जीबी रॅम मॉडेलची किंमत लाँचिंगवेळी ठेवलेल्या किंमतीपेक्षा एक हजार रुपये जास्त म्हणजे 39,999 रुपये इतकी आहे. पण, 5000 रुपयांच्या कॅशबॅकमुळे हे व्हेरिअंट 34,999 रुपये आणि टॉप व्हेरिअंट 36,999 रुपयांमध्ये खरेदी करता येईल. पण ही कॅशबॅकची ऑफर फक्त Citibank क्रेडिट आणि डेबिट कार्डधारकांसाठीच आहे. ही ऑफर 13 जून 2020 ते 6 ऑगस्ट 2020 या कालावधीत मिळेल. काय आहे नोट 10 लाइटची खासियत 'नोट 10' या स्मार्टफोनप्रमाणे नोट 10 लाइटमध्येही कंपनीने S Pen दिले आहे. यामुळे हा फोन अन्य फोनपेक्षा जरा वेगळा ठरतो. फोनमध्ये 6.7 इंचाचा फुल-HD+ (1080x2400 पिक्सल) सुपर अ‍ॅमोलेड डिस्प्ले आहे. हा स्मार्टफोन Exynos 9810 प्रोसेसर आणि 128 जीबीपर्यंतच्या स्टोरेजसह येतो. तसेच फोनमध्ये ट्रिपल रिअर कॅमेरा सेटअप, तर सिंगल फ्रंट कॅमेरा आहे. ट्रिपल रिअर कॅमेऱ्यामध्ये 12 मेगापिक्सलचा प्रायमरी सेंसर, 12 मेगापिक्सलचा वाइड-अँगल लेंस आणि 12 मेगापिक्सलचा टेलिफोटो कॅमेरा आहे. तर, सेल्फीसाठी 32 मेगापिक्सलचा फ्रंट कॅमेरा देण्यात आला असून फास्ट चार्जिंगच्या सपोर्टसह 4,500mAh क्षमतेची बॅटरी आहे.
