23 September 2020

News Flash

Tata Altroz प्रीमियम हॅचबॅक भारतात लाँच, Baleno ला मिळणार टक्कर

काही दिवसांपूर्वीच या कारला ग्लोबल NCAP क्रॅश टेस्टमध्ये 5 स्टार मिळाले होते

टाटा मोटर्सने प्रीमियम हॅचबॅक कार Tata Altroz भारतात लाँच केली आहे. या कारची थेट टक्कर मारुती सुझुकीच्या Baleno आणि ह्युंदाई Elite i20 यांसारख्या गाड्यांशी असेल. Tata Altroz ही कार कंपनीने 3 डिसेंबर रोजी सादर केली होती आणि काही दिवसांपूर्वीच या कारला ग्लोबल NCAP क्रॅश टेस्टमध्ये 5 स्टार मिळाले होते. क्रॅश टेस्टवरुन ही कार म्हणजे भारतातील सर्वात सुरक्षित कारपैकी एक कार असल्याचं स्पष्ट होतं, असं कंपनीने म्हटलंय. याशिवाय कंपनीने BS6 इंजिनसह तीन फेसलिफ्ट मॉडेल टाटा नेक्सॉन, टाटा टिआगो आणि टाटा टिगोर फेसलिफ्ट लाँच केल्या.

इंजिन –
ही कार दोन इंजिन पर्यायांमध्ये लाँच करण्यात आली आहे. यात एक टिआगोचं 1.2-लीटर पेट्रोल इंजिन, तर दुसरं नेक्सॉनचं 1.5-लिटर डिझेल इंजिन आहे. पेट्रोल इंजिन 85 bhp ऊर्जा आणि 113 Nm टॉर्क , तर डिझेल इंजिन 89 bhp ऊर्जा आणि 200 Nm टॉर्क निर्माण करते. दोन्ही इंजिनसह 5-स्पीड मॅन्युअल गिअरबॉक्स स्टँडर्ड असून ही कार टाटाची नवीन इम्पॅक्ट 2.0 डिझाइन लँग्वेज सपोर्ट करते.

फीचर्स –
दरवाजे 90-डिग्रीपेक्षा जास्त उघडणारी ही कार टाटाच्या नव्या ALFA डिझाइनवर काम करते. कारमध्ये अँड्रॉइड ऑटो आणि अॅपल कारप्ले सपोर्टसह 7-इंच फ्री-स्टँडिंग टचस्क्रीन इन्फोटेन्मेंट सिस्टिम आहे. याशिवाय प्रोजेक्टर हेडलॅम्प, एलईडी डीआरएल, फ्रंट आणि रिअर फॉग लॅम्प आणि रिअर डिफॉगर यांसारखे फीचर्स आहेत.

किंमत (एक्स-शोरुम) – ही कार पेट्रोल आणि डिझेलचे दोन इंजिन पर्याय आणि 10 व्हेरिअंटमध्ये (XE, XM, XT, XZ, XZO) उपलब्ध असेल. पेट्रोल इंजिनच्या बेसिक व्हेरिअंटची(XE) किंमत 5.29 लाख रुपये आणि टॉप व्हेरिअंटची (XZO) किंमत 7.69 लाख रुपये आहे. तर, डिझेल इंजिनच्या बेसिक व्हेरिअंटची(XE)किंमत 6.99 लाख रुपये आणि टॉप व्हेरिअंटची (XZO)किंमत 9.29 लाख रुपये आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 23, 2020 9:34 am

Web Title: tata altroz launched know price and specifications sas 89
Next Stories
1 आली TVS ची नवीन Apache, जाणून घ्या किंमत आणि खासियत?
2 फोर्स मोटर्सने सादर केली देशातील पहिली इलेक्ट्रिक व्हॅन
3 दररोज 3GB डेटा आणि फ्री कॉलिंग, व्होडाफोनने आणले दोन नवे प्लॅन
Just Now!
X