09 July 2020

News Flash

Ban झालेल्या टिकटॉकला पर्याय, ‘या’ भारतीय App ची ‘डिमांड’ वाढली

टिकटॉकला मेड इन इंडिया पर्याय...

(File Photo - Reuters)

चीनसोबत सीमेवर सुरू असलेल्या संघर्षाच्या पार्श्वभूमीवर केंद्र सरकारने टिकटॉकसह 59 चिनी मोबाइल Apps भारतात बॅन केले आहेत. टिकटॉकवर आता बंदी घालण्यात आली असली तरी, भारतात चिनी वस्तूंवर बहिष्कार टाकण्याच्या मोहिमेअंतर्गत आधीपासूनच अनेकांनी टिकटॉकला मोबाइलमधून रिमूव्ह करण्यास सुरूवात केली होती. याचा चांगलाचा फायदा ‘चिंगारी’ (Chingari)या एका मेड इन इंडिया मोबाइल अ‍ॅपला झाला आहे. शॉर्ट व्हिडिओ मेकिंग सेगमेंटमधील आघाडीच्या टिकटॉक या चिनी अ‍ॅपला पर्याय म्हणून ‘चिंगारी’ (Chingari) अ‍ॅप गेल्या काही दिवसांपासून चांगलंच लोकप्रिय ठरत आहे. आतापर्यंत २५ लाखांहून जास्त वेळेस हे अ‍ॅप डाउनलोड झालंय.

(CamScanner, TikTok वरील बंदीचं ‘नो टेन्शन’, ही घ्या पर्यायी Apps ची लिस्ट)

TikTok ला भारतीय पर्याय असलेलं हे अ‍ॅप छत्तीसगडचे आयटी प्रोफेशनल्स आणि ओडिशा व कर्नाटकच्या डेव्हलपर्सनी बनवलं आहे. “हे अ‍ॅप बनवण्यासाठी जवळपास दोन वर्षांचा कालावधी लागला. खास भारतीय युजर्सच्या गरजा आणि आवड लक्षात घेऊ हे अ‍ॅप डिझाइन करण्यात आलं आलं आहे”, असं भिलाईमधील रहिवासी आणि चिंगारी अ‍ॅपचे चीफ ऑफ प्रोडक्ट सुमित घोष यांनी टाइम्स ऑफ इंडियाशी बोलताना सांगितलं.

चिंगारी अ‍ॅप नोव्हेंबर 2018 मध्ये गुगल प्ले स्टोअरवर अधिकृतपणे आलं होतं. पण काही दिवसांपासून भारतात चिनी सामानांचा बहिष्कार करण्याची मागणी जोर धरु लागल्यानंतर चिंगारीच्या डाउनलोडिंगमध्ये मोठी वाढ झाली. “आम्हाला भारतीय युजर्सचा शानदार प्रतिसाद मिळतोय, आणि काही दिवसांमधील आकडेवारीनुसार हे अ‍ॅप २५ लाखांहून जास्त डाउनलोड झाल्याचं समोर येतंय”, असं सुमितने सांगितलं. विशेष म्हणजे या अ‍ॅपने आता प्ले स्टोअरमध्ये फ्री अ‍ॅप्सच्या टॉप चार्टमध्ये जागा मिळवली आहे.

ओडिशाच्या विश्वात्मा नायक आणि कर्नाटकच्या सिद्धार्थ गौतम यांनी हे अ‍ॅप डेव्हलप केलं आहे. भारतात तयार केलेलं हे अ‍ॅप TikTok ला थेट टक्कर देतंय. चिंगारी अ‍ॅपद्वारे तुम्ही शॉर्ट व्हिडिओ बनवू शकतात आणि तुमच्या फ्रेंड्ससोबत शेअरही करु शकतात. अ‍ॅपमध्ये शानदार फीचर्स असून भारतीय भाषांचा सपोर्टही आहे. याशिवाय अ‍ॅपमध्ये ट्रेंडिंग न्यूज, एंटरटेनमेंट न्यूज, फनी व्हिडिओ, लव स्टेटस, व्हिडिओ साँग असे अनेक फीचर्स आहेत. चिंगारीवर शेअर केलेल्या पोस्टवर लाइक, कॉमेंट, शेअर करता येतील. व्हॉट्सअपवर शेअर करण्यासाठी वेगळा पर्याय आहे. एखाद्या युजरला फॉलो करण्याचाही पर्याय यामध्ये देण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 30, 2020 11:00 am

Web Title: tiktoks indian alternative chingari app garners 2 5mn downloads get all details sas 89
Next Stories
1 Realme च्या ‘बजेट’ स्मार्टफोनचा ‘सेल’, जाणून घ्या ऑफर्स
2 तुम्हाला माहित आहे का आषाढी एकादशीचे महत्त्व
3 मक्याचे कणीस खाण्याचे ‘हे’ फायदे माहित आहेत का?
Just Now!
X