12 August 2020

News Flash

पुणे, नाशिक, साताऱ्यातील विषाणूचे युरोपमधील करोनाशी साधर्म्य

पुणे, नाशिक आणि सातारा या भागांत आढळलेल्या करोना विषाणूचे युरोपमधील विषाणूशी साधर्म्य आहे

देशात करोनाबाधित रुग्णांची संख्या दिवसागणिक वाढत चालली आहे. गेल्या २४ तासांत देशात ५२ हजारांपेक्षा जास्त करोनाबाधित रुग्ण आढळले आहेत. देशातील एकूण करोनाबाधित रुग्णांची संख्या १८ लाखांच्या पुढे गेली आहे.

पुणे, नाशिक आणि सातारा या भागांत आढळलेल्या करोना विषाणूचे युरोपमधील विषाणूशी साधर्म्य आहे. करोनाचा उपप्रकार पुण्यातील ७८ टक्के, नाशिकमधील २३ टक्के नमुन्यांमध्ये आढळला आहे. तसेच या तिन्ही भागांमध्ये विषाणूचे वेगवेगळ्या पद्धतीने ‘म्युटेशन’ झाल्याचे एका अभ्यासात आढळून आले आहे. राष्ट्रीय पेशीविज्ञान संस्था (एनसीसीएस), लष्करी वैद्यकीय महाविद्यालय (एएफएमसी) आणि बी. जे. वैद्यकीय महाविद्यालयाने एप्रिल ते मे या कालावधीत १० ते ६० या वयोगटातील करोना बाधितांच्या ९० नमुन्यांचा संयुक्तपणे अभ्यास केला. त्या बाबतचे प्राथमिक निष्कर्ष बायो अर्काइव्ह या वैज्ञानिक संकेतस्थळावर देण्यात आले आहेत.

‘जैवतंत्रज्ञान विभागाच्या १००० जिनोम सिक्वेन्सिंग या प्रकल्पाचा भाग म्हणून हे संशोधन करण्यात आले. करोना विषाणूचे जगभरात वेगवेगळे प्रकार आहेत. त्यापैकी २०ए आणि २० बी हे दोन प्रकार आपल्याकडे आढळून आले आहेत. करोना विषाणूमध्ये विशिष्ट प्रकारचे बदल घडून आले आहेत. संशोधन केलेल्या पुणे, नाशिक आणि सातारा परिसरातील नमुन्यांमधून या तिन्ही भागात या विषाणूमध्ये वेगवेगळ्या प्रकारे बदल झाले आहेत. लॉकडाउनमुळे नागरिक बाहेर फिरत नसल्याचा हा परिणाम असल्याचे जाणवते. तसेच त्याचे युरोपमधील विषाणूशी साधर्म्य असल्याचे आढळून आले आहे. करोना विषाणू कशा पद्धतीने पसरत आहे हे समजून घेण्यासाठी हे संशोधन उपयुक्त ठरणार असल्याचे सांगून डॉ. शौचे यांनी करोना विषाणूचा आजार पसरणे, त्याची तीव्रता आणि धोका वाढणे या बाबत या संशोधनातून सध्या काही सांगता येणार नसल्याचे स्पष्ट केले.

अधिक संशोधनाची गरज
या संशोधनाचा एकूण आवाका बराच मर्यादित स्वरूपाचा होता. मात्र, संशोधनातून समोर आलेल्या प्राथमिक निष्कर्षांमुळे या बाबत अधिक व्यापक संशोधनाची गरज आहे, असेही डॉ. शौचे यांनी नमूद के ले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 2, 2020 10:57 am

Web Title: variant of coronavirus bought by europe travellers pune nashik satara nck 90
टॅग Coronavirus
Next Stories
1 कडीपत्त्याचे ‘हे’ १७ फायदे तुम्हाला माहितीयेत?
2 किशोरवयीन मुलांमध्येही असते संधिवाताची समस्या? जाणून घ्या उपाय
3 दोडक्याचे ‘हे’ फायदे वाचून तुम्ही नक्कीच सेवन कराल…
Just Now!
X