News Flash

ड्युअल सेल्फी कॅमेरा असलेला Vivo V19 भारतात लॉन्च, जाणून घ्या किंमत आणि फीचर्स

तब्बल 8GB रॅम आणि एकूण 6 कॅमेरे असलेला Vivo चा शानदार स्मार्टफोन लॉन्च...

(Vivo V19)

Vivo कंपनीने भारतात आपला लेटेस्ट स्मार्टफोन Vivo V19 लॉन्च केला आहे. या स्मार्टफोनची खासियत म्हणजे यात दिलेला ड्युअल होल-पंच सेल्फी कॅमेरा सेटअप आणि स्नॅपड्रॅगन 712 चिपसेट प्रोसेसर. ग्लोबल मार्केटमध्ये हा फोन गेल्या महिन्यातच लॉन्च झाला आणि आता कंपनीने हा फोन भारतातही लॉन्च केला आहे. Vivo कंपनी हा फोन भारतात मार्च महिन्यातच लॉन्च करणार होती. पण, लॉकडाउनमुळे लॉन्चिंग इव्हेंट पुढे ढकलण्यात आला. अखेर आज हा फोन भारतात लॉन्च करण्यात आला आहे.

कंपनीने हा फोन 8 जीबी रॅम + 128 जीबी स्टोरेज आणि 8 जीबी रॅम + 256 जीबी स्टोरेज अशा दोन मॉडेल्समध्ये आणलाय. पियानो ब्लॅक आणि मिस्टिक सिल्वर अशा दोन कलरमध्ये हा फोन उपलब्ध असेल. 15 मेपासून कंपनीच्या ई-स्टोअर, Amazon, Flipkart, अन्य ई-कॉमर्स वेबसाइट आणि पार्टनर ऑफलाइन स्टोअर्समध्ये विक्रीला सुरूवात होईल.

फीचर्स:-
डुअल-सिम (नॅनो) सपोर्ट असलेल्या या फोनमध्ये 6.44 इंचाचा फुल-एचडी+ (1080×2400 पिक्सल) सुपर अॅमोलेड डिस्प्ले आहे. डिस्प्लेच्या सुरक्षेसाठी कॉर्निंग गोरिल्ला ग्लास प्रोटेक्शन आहे. इन-डिस्प्ले फिंगरप्रिंट सेंन्सर फोनमध्ये देण्यात आले असून लो ब्राइटनेस अँटी-फ्लिकर हे फीचरही आहे. Vivo V19 हा फोन अँड्रॉइड 10 वर आधारित Funtouch OS 10 वर कार्यरत असेल. Vivo V19 मध्ये ऑक्टा-कोर क्वॉलकॉम स्नॅपड्रॅगन 712 प्रोसेसरसह 8 जीबी रॅम आहे. इनबिल्ट स्टोरेजसाठी 128 जीबी आणि 256 जीबी असे दोन पर्याय आहेत.

कॅमेरा :-
Vivo V19 च्या मागील बाजूला क्वॉड कॅमेरा अर्थात चार कॅमेऱ्यांचा सेटअप आहे. यामध्ये 48-मेगापिक्सलचा प्रायमरी सेन्सर आहे. तर, अन्य तीन कॅमेरे अनुक्रमे 8 मेगापिक्सल + 2 मेगापिक्सल + 2 मेगापिक्सलचे आहेत. रिअर कॅमेऱ्यामध्ये सुपर नाइट मोड, अल्ट्रा-स्टेबल व्हि़डिओ, आर्ट पोर्ट्रेट व्हि़डिओ, सुपर मॅक्रो आणि बोकेह पोर्ट्रेट हे फीचर्स आहेत. फोनच्या पुढील बाजूला 32 मेगापिक्सलचा प्रायमरी सेल्फी कॅमेरा आहे. तर 8 मेगापिक्सलचा अल्ट्रा वाइड सेल्फी कॅमेरा देण्यात आला आहे. फ्रंट कॅमेऱ्यात सुपर नाइट सेल्फी, सुपर वाइड-अँगल सेल्फी, अल्ट्रा स्टेबल व्हिडिओ यांचा समावेश आहे. अशाप्रकारे एकूण सहा कॅमेरे या फोनमध्ये आहेत. याशिवाय Vivo V19 मध्ये फास्ट चार्जिंगचा सपोर्ट असलेली 4,500 एमएएच क्षमतेची दमदार बॅटरी आहे. कनेक्टिव्हिटीसाठी युएसबी टाइप-सी पोर्ट, 3.5 एमएम ऑडिओ जॅक, ब्लूटूथ 5.0, 2.4 गीगाहर्ट्ज़ आणि 5 गीगाहर्ट्ज़ ड्युअल बँड वाय-फाय आणि जीपीएस सपोर्ट यांचा समावेश आहे.

किंमत :-
8 जीबी रॅम + 128 जीबी स्टोरेज व्हेरिअंट असलेल्या Vivo V19 ची भारतात किंमत 27,990 रुपये ठेवण्यात आली आहे. तर, 8 जीबी रॅम + 256 जीबी स्टोरेज व्हेरिअंटची किंमत 31,990 रुपये ठेवण्यात आली आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 12, 2020 4:36 pm

Web Title: vivo v19 with dual selfie cameras launched in india know price specifications and all other details sas 89
Next Stories
1 Tata Sky Binge+ च्या किंमतीत घसघशीत कपात, नवीन ग्राहकांसाठी भन्नाट ऑफर्स
2 Men at Work: पुरुषांनाही पडली स्वयंपाकाची भूरळ; अभिनेत्यांपासून सामान्यांनी शेअर केली त्यांची किचनमधील कलाकारी
3 मागील ३० वर्षांपासून ‘या’ गावात एकाही पुरुषाने पाऊल ठेवलेले नाही
Just Now!
X