Vodafone ने चार नवीन प्रीपेड रीचार्ज प्लॅन लाँच केले आहेत. यामध्ये 129 रुपये, 199 रुपये आणि 269 रुपयांच्या प्लॅनचा समावेश आहे. याशिवाय 24 रुपयांचा एक अतिरिक्त प्लॅन देखील कंपनीने आणला आहे. अद्याप Idea ने हे प्लॅन्स आपल्या ग्राहकांसाठी लाइव्ह केलेले नाहीत. जाणून घेऊया या प्लॅन्सबाबत : Vodafone Rs. 269 - 269 रुपयांच्या प्लॅनमध्ये अनलिमिटेड कॉलिंगसह 4 जीबी डेटा मिळेल. 56 दिवस वैधता असलेल्या या प्लॅनमध्ये युजर्सना 600 एसएमएस पाठवता येतील. याशिवाय Vodafone Play आणि Zee5 या अ‍ॅप्ससाठी मोफत सबस्क्रिप्शन मिळेल. Vodafone Rs. 199 - 199 रुपयांच्या या प्लॅनची वैधता 21 दिवस आहे. या प्लॅनमध्ये अनलिमिटेड कॉलिंग आणि दररोज 1 जीबी डेटासह युजर्सना दररोज 100 एसएमएस पाठवता येतील. या प्लॅनमध्येही Vodafone Play आणि Zee5 या अ‍ॅप्ससाठी मोफत सबस्क्रिप्शन मिळेल. Vodafone Rs. 129 - 129 रुपयांच्या या प्लॅनमध्ये युजर्सना अनलिमिटेड कॉल, 2 जीबी डेटा आणि एकूण 300 एसएमएस मिळतील. या प्लॅनची वैधता 14 दिवस आहे. या प्लॅनमध्येही युजर्सना Vodafone Play आणि Zee5 या अ‍ॅप्ससाठी मोफत सबस्क्रिप्शन मिळेल. Vodafone Rs. 24 plan - 24 रुपयांच्या या प्लॅनमध्ये 100 ऑन-नेट नाइट कॉलिंग मिनिट मिळतात. ऑन-नेट कॉलिंग मिनिट रात्री 11 ते सकाळी 6 वाजेपर्यंत वापरता येतील. मात्र, अन्य लोकल/ नॅशनल कॉलिंगसाठी 2.5 पैसे प्रतिसेकंद दर आकारला जाईल.
