26 February 2021

News Flash

भारतात Apple iPhone मॅन्युफॅक्चर करणाऱ्या Wistron ने दिली ‘गुड न्यूज’, हिंसाचारापासून बंद आहे प्लांट

पगार न मिळाल्याने ४ हजार कामगारांनी केली होती तोडफोड आणि जाळपोळ

(नरसापूर येथील विस्ट्रॉनचा कारखाना, संग्रहित छायाचित्र )

भारतात आयफोनचं उत्पादन करणारी तैवानची कंपनी ‘विस्ट्रॉन’च्या कर्नाटकमधील कोलार जिल्ह्यातील कारखान्यात गेल्या वर्षी डिसेंबर महिन्यात तोडफोड आणि जाळपोळीची घटना घडली होती. तेव्हापासून कारखान्यातून आयफोनचं उत्पादन बंद होतं, पण आता कंपनी लवकरच उत्पादन घेण्यास सुरूवात करणार आहे.

विस्ट्रॉनच्या सीईओंनी ९ फेब्रुवारी रोजीच कारखान्यातील उत्पादन पुन्हा सुरू करणार असल्याची घोषणा केली होती. त्यानंतर गुरूवारी विस्ट्रॉनच्या व्यवस्थापकीय संचालकांनी कर्नाटकचे उद्योग मंत्री जगदीश शेट्टार यांची भेट घेतली आणि उत्पादन पुन्हा सुरू करत असल्याची माहिती दिली. यावेळी, राज्य सरकारकडून कंपनीला सहकार्य केलं जाईल असं सांगत शेट्टार यांनी विस्ट्रॉनचं कामकाज लवकरच पुन्हा सुरू होणार असल्याचं जाहीर केलं. गुरुवारी शेट्टार यांनी याबाबत माहिती दिली.

काय घडलं होतं?:- 
१२ डिसेंबर रोजी कोलार जिल्ह्यातील नरसापूर येथील विस्ट्रॉन कार्पोरेशनच्या कारखान्यात प्रचंड तोडफोड आणि जाळपोळ झाली होती. अनेक महिन्यांपासून थकीत असलेले वेतन न मिळाल्यामुळे संतापलेल्या जवळपास चार हजार कामगारांनी ही तोडफोड केली होती. त्यानंतर विस्ट्रॉन कंपनीने कर्मचाऱ्यांचं वेतन थकवल्या बद्दल माफी मागितली असून कंपनीच्या भारतातील उपाध्यक्षांचीही हकालपट्टी केली होती. तर, बंगळुरूतील या घटनेनंतर Apple नं देखील विस्टॉनला झटका देत कंपनीला प्रोबेशनवर ठेवण्याचा निर्णय घेतला होता. जोपर्यंत विस्ट्रॉन ही कंपनी आपल्या चुका पूर्णपणे सुधारत नाही तोवर कंपनीला कोणताही व्यवसाय न देण्याचा निर्णय Apple नं घेतला होता. तसेच, हिंसाचाराच्या घटनेसाठी अ‍ॅपलनेही माफी मागितली होती. शिवाय कर्नाटक सरकारनेही हिंसाचाराबद्दल नाराजी व्यक्त केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 19, 2021 12:06 pm

Web Title: wistron to resume production soon in the factory at narasapura in kolar district says karnataka minister sas 89
Next Stories
1 WhatsApp ने पुन्हा आणली वादग्रस्त Privacy Policy, ‘या’ तारखेपर्यंत स्वीकाराव्या लागणार अटी
2 Jio ने आणली नवीन रिचार्ज ऑफर, 28 फेब्रुवारीपर्यंत घेता येईल लाभ
3 ‘या’ शारीरिक समस्यांनी त्रस्त आहात? मग आहारात करा सीताफळाचा समावेश
Just Now!
X