गॅस अ‍ॅसिडिटी कधीच होणार नाही, सकाळीच पोट झटक्यात होईल साफ; फक्त आठवड्यातून दोनदा ‘ही’ भाजी खा

मोरिंगा ही एक भाजी आहे, जिच्या पानांमध्ये औषधी गुणधर्मही आढळतात. आठवड्यातून दोन ते तीन वेळा डाळ, डोसा, भाजीची आमटी किंवा सूपसोबत या भाजीचे सेवन केल्यास उष्णतेपासून संरक्षण मिळते, शरीरातील पाण्याची पातळी टिकून राहते आणि अनेक आजारांवरही उपचार होऊ शकतात.

आयुर्वेदिक तज्ज्ञ डॉ. रूपाली जैन यांनी सांगितले की, शेवगा ही एक अशी भाजी आहे जी व्हिटॅमिन ए, पोटॅशियम, लोह, कॅल्शियम आणि अँटीऑक्सिडंट्सने समृद्ध आहे. ही भाजी एक सुपरफूड असून, तिची पाने आणि फुले दोन्ही खाल्ली जातात. शेवग्याच्या शेंगांचे लहान तुकडे करून ते पाण्यात उकळावेत. या पाण्यात हळद आणि थोडे सैंधव मीठ घालून त्याचे सूप बनवावे आणि उन्हाळ्यात त्याचे सेवन करावे. शेवग्याची पावडर बनवून ताकासोबत प्यायल्यास तुमची पचनक्रिया निरोगी राहील. शेवग्याच्या सेवनाचे आरोग्यदायी फायदे काय आहेत आणि ते पोट व आतड्यांना कसे निरोगी ठेवते हे तज्ज्ञांकडून जाणून घेऊया.

मोरिंगाच्या सेवनाचे आरोग्य फायदे

शेवगा ही पाण्याने समृद्ध भाजी असून उन्हाळ्यात शरीरातील पाण्याची पातळी टिकवून ठेवते. त्याचे सेवन केल्याने शरीरातील पाण्याची कमतरता टाळण्यास आणि शरीर थंड ठेवण्यास मदत होते. शेवग्यामध्ये जीवनसत्त्वे, खनिजे आणि अँटीऑक्सिडंट्स भरपूर प्रमाणात असतात, जे सर्वांगीण आरोग्यास चालना देतात. ही भाजी खाल्ल्याने रोगप्रतिकारशक्ती मजबूत होते आणि शरीर निरोगी राहते. तसेच, यामध्ये दाहशामक गुणधर्म आहेत जे हाडांचे दुखणे नियंत्रित करतात आणि हाडे मजबूत करतात.

ही भाजी शरीरातील ऊर्जा चयापचय वाढविण्यात महत्त्वाची भूमिका बजावते. शरीर थंड ठेवण्यासाठी ती अत्यंत प्रभावी आहे. तिच्या सेवनाने जास्त घाम येणे, थकवा आणि उष्माघात यांसारख्या उष्णतेशी संबंधित समस्यांपासून आराम मिळतो. ती शरीर थंड आणि ताजेतवाने ठेवण्यास मदत करते. तिच्या सेवनाने रोगप्रतिकारशक्ती मजबूत होते आणि वजन नियंत्रणात ठेवण्यास मदत होते. ही भाजी संधिवात, ॲलर्जी आणि इतर दाहक स्थितींची लक्षणे नियंत्रित करू शकते.

मोरिंगा पचनक्रिया आणि आतड्यांचे आरोग्य कसे सुधारते?

शेवग्याच्या शेंगा खाल्ल्याने पचनक्रिया निरोगी राहते. आयुर्वेदानुसार या भाजीच्या सेवनाने अपचन, बद्धकोष्ठता आणि पोट फुगणे यांसारख्या समस्यांपासून आराम मिळतो. फायबरने समृद्ध असलेली ही भाजी पचनसंस्थेचे कार्य सुरळीत करण्यास मदत करते आणि आतड्यांमधून अन्नाच्या हालचालीचे नियमन करते, ज्यामुळे पचनक्रिया सुधारते.

या भाजीमध्ये दाहशामक गुणधर्मदेखील आहेत, जे आतड्यांची सूज नियंत्रित करण्यास मदत करतात. याच्या सेवनाने पोट आणि आतड्यांची सूज नियंत्रणात येते आणि आतड्यांमधील चांगल्या जीवाणूंच्या वाढीस प्रोत्साहन मिळते. मोरिगामध्ये फ्लेव्होनॉइड्स आणि फिनोलिक ॲसिडसारखे घटक असतात, जे सूज कमी करण्यास मदत करतात. मोरिगाच्या नियमित सेवनाने पोट फुगणे नियंत्रणात आणण्यास आणि पोटातील गॅसवर उपचार करण्यास मदत होऊ शकते.