सकाळी उठताच पाठ धरते, शरीर दुखायला लागतं! मग असू शकते ‘या’ आजाराची सुरुवात; शरीर निकामी होण्याआधी डॉक्टरांनी दिलेली माहिती वाचा

अशी समस्या का होते?

डॉक्टरांच्या मते हा त्रास नेहमीच स्नायूंवर आलेल्या ताणामुळे होत नाही. अनेक वेळा तो शरीरात चालू असलेल्या काही प्रक्रियांचे संकेतही असू शकतो.

आजच्या जीवनशैलीत बराच वेळ बसून काम करणे, पुरेशी झोप न घेणे, ताणतणाव आणि असंतुलित आहार या सवयींमुळे हळूहळू शरीरात हलकी सूज म्हणजेच इंफ्लेमेशन निर्माण होऊ शकते. हीच सूज पुढे स्नायूंमध्ये आणि सांध्यांमध्ये वेदना किंवा थकवा निर्माण करू शकते.

एक्सपर्ट काय सांगतात?

डॉ. अभिषेक पाटील यांच्या मते, दीर्घकाळ राहणारा ताण शरीरावर मोठा परिणाम करतो. जेव्हा एखादी व्यक्ती सतत तणावात असते, तेव्हा शरीरात कॉर्टिसोल आणि ॲड्रेनालिनसारखे हार्मोन्स जास्त प्रमाणात तयार होतात.

सुरुवातीला हे हार्मोन्स शरीराला अडचणींना सामोरे जाण्यास मदत करतात. पण तणाव खूप काळ राहिला तर शरीरातील नस आणि स्नायू सतत ताणलेल्या अवस्थेत राहतात. त्यामुळे मान, खांदे आणि पाठीमध्ये कडकपणा किंवा वेदना जाणवू शकतात.

झोपेची कमतरता

झोपेची कमतरता हेही शरीरदुखीचे एक मोठे कारण ठरू शकते. कारण गाढ झोपेतच शरीर स्वतःची दुरुस्ती करते, ऊर्जा पुन्हा संतुलित करते आणि स्नायूंना आराम मिळतो. जर झोप पूर्ण झाली नाही किंवा वारंवार तुटत राहिली, तर ही प्रक्रिया पूर्ण होत नाही.

म्हणूनच अनेक लोक जास्त काम न करता देखील सकाळी उठल्यावर थकवा किंवा अंगदुखी जाणवते. आहाराचाही शरीरदुखीशी जवळचा संबंध असतो. जास्त प्रोसेस्ड फूड, रिफाइंड साखर आणि अनहेल्दी फॅट असलेले अन्न शरीरात सूज वाढवू शकते. याउलट फळे, भाज्या, सुकेमेवे, बिया आणि ओमेगा-३ भरपूर असलेले अन्न शरीरातील सूज कमी करण्यास मदत करते आणि स्नायू निरोगी ठेवते.

हे कमी करता येऊ शकते का?

अशा प्रकारची रोजची अंगदुखी अनेक वेळा छोट्या-छोट्या जीवनशैलीतील बदलांमुळे कमी होऊ शकते. नियमित हलका व्यायाम, स्ट्रेचिंग, पुरेशी झोप, संतुलित आहार आणि तणाव कमी करणाऱ्या गोष्टी केल्याने शरीर निरोगी राहण्यास मदत होते. जर हा त्रास अनेक आठवडे सतत राहिला किंवा त्यासोबत इतर लक्षणेही दिसू लागली, तर तज्ज्ञ डॉक्टरांचा सल्ला घेणे अधिक योग्य ठरते.