scorecardresearch

लघवीद्वारे खराब कोलेस्ट्रॉल सहज काढून टाकेल ‘हे’ फळ; कधी आणि कसे खावे जाणून घ्या

Cholesterol Control Tips: वाढलेले कोलेस्ट्रॉल अनेक गंभीर समस्या निर्माण करू शकते. या फळाचे सेवन केल्यास खराब कोलेस्ट्रॉल तुमच्या शरीरातून सहज बाहेर पडेल..

लघवीद्वारे खराब कोलेस्ट्रॉल सहज काढून टाकेल ‘हे’ फळ; कधी आणि कसे खावे जाणून घ्या
फोटो: लोकसत्ता ग्राफिक्स टीम

Health Benefits of Dragon Fruit: कोलेस्ट्रॉल वाढणे ही अशी समस्या आहे ज्यासाठी खराब आहार आणि बिघडलेली जीवनशैली जबाबदार आहे. शरीरातील कोलेस्ट्रॉल वाढणे ही एक गंभीर समस्या बनत चालली आहे. कोलेस्ट्रॉल हा एक टॉक्सिन पदार्थ आहे जो रक्ताच्या नसांमध्ये जमा होतो. शरीरात कोलेस्ट्रॉलचे प्रमाण जास्त असल्याने हृदयविकार, मज्जातंतूचे आजार, हृदयविकाराचा झटका आणि पक्षाघात यांसारख्या गंभीर आजारांचा धोका वाढतो. आहारात जास्त मीठ आणि जास्त तेल खाल्ल्यास शरीरातील कोलेस्ट्रॉलची पातळी वाढू शकते. ज्या लोकांचे वजन जास्त आहे आणि त्यांच्या शरीरात चरबीचे प्रमाण जास्त आहे त्यांना कोलेस्टेरॉल जास्त होण्याची शक्यता असते.

वाढत्या कोलेस्ट्रॉलवर आहाराची चांगली काळजी घेतल्यास ही समस्या बऱ्याच अंशी टाळता येऊ शकते. कोलेस्ट्रॉल नियंत्रित ठेवण्यासाठी आहारात ड्रॅगन फ्रूटचे सेवन खूप प्रभावी ठरते. ड्रॅगन फ्रुटमध्ये पॉलीअनसॅच्युरेटेड फॅट, ओमेगा-३ आणि ओमेगा-६ फॅटी अॅसिड्ससारखे घटक आढळतात, जे कोलेस्ट्रॉल नियंत्रित करतात आणि हृदयविकाराचा धोका कमी करतात.

ब्रेथवेलबीइंगमध्ये प्रकाशित झालेल्या एका लेखात, आहारतज्ञ रश्मी जीआर म्हणतात की ड्रॅगन फ्रूट हे पोषक तत्वांनी युक्त असे फळ आहे जे शरीराला अनेक आरोग्यदायी फायदे देते. ड्रॅगन फ्रूट खाल्ल्याने शरीराला कोणते फायदे होतात हे जाणून घेऊया…

पचन नीट राहते

ड्रॅगन फ्रूट खाल्ल्याने पचनाशी संबंधित आजार दूर होण्यास मदत होते. फायबरने समृद्ध असलेले हे फळ पचन सुधारते. त्यात पाण्याचे प्रमाणही जास्त असते, त्यामुळे बद्धकोष्ठतेचा त्रास असणाऱ्या व्यक्तींना पासून आराम मिळतो.

रोगप्रतिकारशक्ती वाढवते

ड्रॅगन फ्रूट खाल्ल्याने रोगप्रतिकारशक्ती वाढते आणि आजारांपासून बचाव होतो. व्हिटॅमिन सी आणि अँटीऑक्सिडंटने समृद्ध ड्रॅगन फळ रोगप्रतिकार शक्ती वाढवते. याचे सेवन केल्याने शरीराला पोषण मिळते आणि अनेक आजारांपासून बचाव होतो.

( हे ही वाचा: रक्तातील खराब युरिक ॲसिड झपाट्याने काढून टाकतील ‘हे’ ५ पदार्थ; जाणून घ्या सेवनाची योग्य पद्धत)

हृदयविकारांपासून बचाव करते

आयुर्वेद तज्ज्ञ वैद्य नरेश जिंदाल यांच्या मते ड्रॅगन फ्रूटच्या सेवनाने हृदयविकारांपासून बचाव होतो. अँटिऑक्सिडंटने समृद्ध असलेले ड्रॅगन फळ हृदयाला निरोगी ठेवते. या फळामध्ये असलेल्या काळ्या बियांमध्ये ओमेगा-३ फॅटी अॅसिड भरपूर प्रमाणात असते ज्यामुळे हृदय निरोगी राहते.

रक्तातील साखर नियंत्रित करते

ड्रॅगन फ्रूटच्या पोषक तत्वांबद्दल सांगायचे तर ते नैसर्गिक अँटिऑक्सिडंट्स तसेच बीटासायनिन, फ्लेव्होनॉइड, फेनोलिक अॅसिड, एस्कॉर्बिक अॅसिड आणि फायबरने समृद्ध आहे जे रक्तातील साखर नियंत्रित करण्यासाठी प्रभावी आहे. मधुमेहाचे रुग्ण रक्तातील साखर नियंत्रित ठेवण्यासाठी आणि शरीर निरोगी ठेवण्यासाठी ड्रॅगन फ्रूटचे सेवन करू शकतात.

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 18-01-2023 at 16:03 IST

संबंधित बातम्या