scorecardresearch

रात्री एक ग्लास गरम दूध पिणं म्हणजे अमृतच; जाणून घ्या ‘हे’ आश्यर्यकारक फायदे

दिवसाच्या तुलनेत रात्री दूध पिणे आरोग्यासाठी अधिक फायदेशीर आहे. चला जाणून घेऊया रात्री दूध पिण्याचे काय फायदे आहेत.

रात्री एक ग्लास गरम दूध पिणं म्हणजे अमृतच; जाणून घ्या ‘हे’ आश्यर्यकारक फायदे
Photo : File Photo

निरोगी आरोग्यासाठी प्रत्येक जण वेगवेगळे उपाय करतात. जर तुम्हाला तुमचे शरीर तंदुरुस्त आणि निरोगी ठेवायचे असेल, तर त्यासाठी तुम्हाला दररोज दूध पिण्याचा सल्ला दिला जातो. कारण, आयुर्वेदानुसार दूध हा पूर्ण आहार मानला जातो. दुधाचे नियमित सेवन केल्यामुळे शरीराला अनेक पोषक तत्त्वांचा पुरवठा होतो. कॅल्शियम, मॅग्नेशियम, रायबोफ्लेविन, प्रोटिन यासारख्या अनेक पोषक घटकांचा यामध्ये समावेश असतो.  असे मानले जाते की, दिवसाच्या तुलनेत रात्री दूध पिणे आरोग्यासाठी अधिक फायदेशीर आहे. चला तर जाणून घेऊया रात्री दूध पिण्याचे काय फायदे आहेत.

  •  कॅल्शियमची कमतरता दूर होते

हाडे आणि दातांच्या वाढीसाठी आणि मजबुतीसाठी आपल्या शरीरात कॅल्शियमची गरज असते. अशा स्थितीत रोज रात्री गरम दुधाचे सेवन केल्याने आपले दात आणि हाडे मजबूत होतात.

  • प्रतिकारशक्ती वाढवते

दुधात भरपूर प्रोटीन्स असतात. त्यामुळे रोज दूध पिण्याचा सल्ला दिला जातो. रोज रात्री एक ग्लास कोमट दूध प्यायल्याने पुढच्या दिवसासाठी ऊर्जा राहते. त्याचबरोबर दूध प्यायल्याने स्नायूंचाही विकास होतो.

(आणखी वाचा : Platelets Foods : ही फळं आणि भाज्या आहेत प्लेटलेट्सचे नैसर्गिक स्रोत; पाहा यादी)

  • बद्धकोष्ठतेच्या समस्येपासून सुटका मिळते

जर तुम्ही बद्धकोष्ठतेच्या समस्येने त्रस्त असाल तर दूध तुमच्यासाठी खूप फायदेशीर ठरेल. बद्धकोष्ठतेच्या समस्येने त्रस्त असलेल्या लोकांसाठी गरम दूध औषधाइतकेच प्रभावी मानले जाते.

  • थकवा दूर होतो

आजच्या काळात लोक कामात इतके व्यस्त होतात की ते स्वतःकडे लक्ष देऊ शकत नाहीत. अशा परिस्थितीत, थकवा आणि चिडचिड होणे स्वाभाविक आहे. अशा परिस्थितीत तुम्ही गरम दुधाला तुमच्या रोजच्या दिनचर्येचा भाग बनवा. यामुळे तुमची ही समस्या दूर होईल.

(आणखी वाचा : उभं राहून पाणी पिणं ठरू शकते जीवघेणं! आजच सोडा ही सवय अन्यथा… )

  • घशासाठी देखील फायदेशीर आहे

रोज रात्री कोमट दुधाचे सेवन केल्याने घशाची कोणतीही समस्या होत नाही. त्याच वेळी, जर तुम्हाला तुमच्या घशात कोणत्याही प्रकारची समस्या असेल तर दुधात चिमूटभर काळी मिरी मिसळा आणि ते पिण्यास सुरुवात करा.

  • तणाव दूर होतो

अनेकदा असं होतं की ऑफिसमधून घरी परतल्यानंतरही आपण तणावाखाली राहतो. अशावेळी हलके कोमट दूध तुम्हाला तणावापासून मुक्त करेल आणि तुम्हाला आराम वाटेल.

  • निद्रानाश

रोज दूध प्यायल्याने निद्रानाशाच्या समस्येपासून सुटका मिळते. रोज रात्री झोपण्यापूर्वी हलके कोमट दूध प्यायल्याने चांगली आणि पूर्ण झोप येण्यास मदत होते.

(येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.)

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Benefits of drinking warm milk at night pdb

ताज्या बातम्या