‘हे’ सर्वोत्कृष्ट पाच स्मार्टफोन मिळतील १० हजार रुपयांपेक्षा कमी किंमतीत!

रियलमीच्या या स्मार्टफोनची सुरुवातीची किंमत ८,९९९ रुपये आहे. जे १० हजार रुपयांपर्यंतच्या रेंजमध्ये येणाऱ्या इतर स्मार्टफोन्सपेक्षा खूपच चांगले आहे.

lifestyle
10 हजार रुपयांच्या श्रेणीतील सर्वोत्तम 5 स्मार्टफोन (photo: jansatta)

स्मार्टफोन हे आजच्या युगात अत्यावश्यक साधन झाले आहे. यामुळे केवळ एकमेकांशी बोलत नाही तर अनेक लोकं त्यांच्या कार्यालयातील महत्त्वाचे कामही मोबाइलच्या मदतीने पार पाडतात. दुसरीकडे, जर आपण मनोरंजनाबद्दल बोललो, तर टीव्हीनंतर बहुतेक लोकांना स्मार्टफोनवर चित्रपट, वेब सीरिज आणि मालिका पाहणे आवडते.
मात्र एवढे सगळे होऊनही अनेक लोकांकडे स्मार्टफोन नाही. कारण त्यांची किंमत प्रत्येकाच्या बजेटमध्ये ठरलेली नसते. म्हणूनच आम्ही तुमच्यासाठी ५ सर्वोत्तम आणि सर्वात कमी किंमतीच्या स्मार्टफोनची माहिती घेऊन आलो आहोत. जे तुमच्या बजेटमध्ये बसेल तसेच तुमच्या सर्व गरजा पूर्ण करेल. चला जाणून घेऊया अशाच काही उत्तम स्मार्टफोन्सबद्दल…

Realme Narzo 30A

रियलमीच्या या स्मार्टफोनची सुरुवातीची किंमत ८,९९९ रुपये आहे. जे १० हजार रुपयांपर्यंतच्या रेंजमध्ये येणाऱ्या इतर स्मार्टफोन्सपेक्षा खूपच चांगले आहे. याच्या फीचर्सबद्दल बोलायचे झाले तर कंपनीने यात 6.5-इंचाचा डिस्प्ले दिला आहे. तर Realme Narzo 30A मध्ये 8 मेगापिक्सेल फ्रंट कॅमेरा आणि 13 मेगापिक्सलचा रियर कॅमेरा मिळेल. यासोबतच या स्मार्टफोनमध्ये 6000mAh बॅटरी देण्यात आली आहे.

Motorola Moto E7 Plus

Motorola Moto E7 Plus हा देखील १०,००० रुपयांच्या अंतर्गत सर्वोत्तम स्मार्टफोन आहे. यामध्ये कंपनीने ६.५-इंचाचा डिस्प्ले, Qualcomm Snapdragon 460 SoC, ८-मेगापिक्सलचा फ्रंट कॅमेरा, ४८-मेगापिक्सलचा रियर कॅमेरा आणि ५०००mAh बॅटरी पॅक दिला आहे. जर आपण किंमतीबद्दल बोललो तर या स्मार्टफोनची किंमत ८९९९ रुपयांपासून सुरू होते.

Realme C25

Realme C25 हा सध्या भारतात उपलब्ध असलेल्या सर्वोत्कृष्ट स्मार्टफोनपैकी एक आहे ज्याची किंमत १०,००० रुपये आहे. स्मार्टफोनच्या बेस मॉडेलची किंमत ९,९९९ रुपयांपासून सुरू होते. यात ७२०×१६०० पिक्सेल स्क्रीन रिझोल्यूशनसह ६.५-इंचाचा डिस्प्ले, ८-मेगापिक्सेल फ्रंट कॅमेरा, ६००० mAh बॅटरी, १३-मेगापिक्सेल ट्रिपल रिअर कॅमेरा सिस्टम आणि बरेच काही आहे.

Micromax In 2b

मायक्रोमॅक्स पुन्हा एकदा बाजारात आपले अस्तित्व निर्माण करण्याचा प्रयत्न करत आहे. अलीकडेच कंपनीने अनेक नवीन स्मार्टफोन लॉंच केले आहेत. ज्यामध्ये Micromax In 2b अनेक उत्तम वैशिष्ट्यांसह सादर करण्यात आला आहे. कंपनीने या स्मार्टफोनला ६.२५-इंचाचा डिस्प्ले, १३-मेगापिक्सेल + २-मेगापिक्सेल सेन्सर्ससह ड्युअल रियर कॅमेरे, Unisoc T610 SoC, ५-मेगापिक्सेल फ्रंट शूटर आणि ५०००mAh बॅटरी दिली आहे.

Jio Phone Next

जिओने नुकताच देशात बहुप्रतिक्षित जिओ फोन नेक्स्ट लॉन्च केला आहे. ज्यामध्ये ७२०×१४४० पिक्सेल रिझोल्यूशनसह ५.४५-इंच HD+ स्क्रीन आणि कॉर्निंग गोरिल्ला ग्लास अँटी-फिंगरप्रिंट कोटिंग उपलब्ध असेल. सेल्फी आणि व्हिडिओ चॅटसाठी स्मार्टफोनच्या मागील बाजूस १३MP स्नॅपर आणि समोर ८MP शूटर आहे. कनेक्टिव्हिटीच्या बाबतीत, यात ४G, ड्युअल-सिम, ब्लूटूथ ४.१, एक मायक्रो-यूएसबी पोर्ट, ३.५मिमी ऑडिओ जॅक आणि वाय-फाय मिळेल. दुसरीकडे, त्याच्या किंमतीबद्दल बोलायचे झाल्यास, तुम्ही Jio Phone Next फक्त ६,४९९रुपयांमध्ये खरेदी करू शकता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Best 5 smartphones available in less than 10 thousand rupees scsm

Next Story
एचआयव्ही परिक्षणाने भारतात वाचतील लाखो प्राण
ताज्या बातम्या