प्रत्येक तिसरा भारतीय फॅटी लिव्हरने ग्रस्त; लिव्हर खराब व्हायच्या आधी ‘या’ भाजा खायला सुरुवात करा, लिव्हर कायम राहील निरोगी

हे जगातील सुमारे ३०-४० टक्के लोकसंख्येवर परिणाम करते आणि पोटातील लठ्ठपणा हा त्याचा सर्वांत मोठा धोक्याचा भाग घटक आहे. भारतात फॅटी लिव्हरचा आजार एक साथीचा रोग बनला आहे. संशोधनानुसार, देशातील जवळजवळ तीन प्रौढांपैकी एकाला या आजाराने ग्रासले आहे. शहरी भागात आणि मधुमेह किंवा लठ्ठपणा असलेल्यांमध्ये हे प्रमाण ५० टक्क्यांहून अधिक आहे.

निरोगी यकृत राखण्यासाठी जीवनशैली आणि आहार दोन्ही महत्त्वाचे आहेत. दिल्लीतील बीएलके-मॅक्स हॉस्पिटलमधील एचपीबी सर्जरी आणि लिव्हर ट्रान्सप्लांटेशनचे उपाध्यक्ष व एचओडी डॉ. अभिदीप चौधरी यांनी यकृताबद्दल स्पष्टपणे सांगितले. त्यांनी स्पष्ट केले की, यकृताला नुकसान होण्याची कोणतीही सुरुवातीची लक्षणे दिसत नाहीत. म्हणूनच, तुमचे यकृत निरोगी ठेवण्यासाठी योग्य वेळी योग्य पावले उचलणे अत्यंत महत्त्वाचे आहे.

यकृत निरोगी ठेवण्यासाठी काय खावे?

डॉ. अभिदीप चौधरी यांच्या मते, निरोगी यकृत राखण्यासाठी आपण संतुलित आहारावर लक्ष केंद्रित केले पाहिजे. फळे, भाज्या व कच्च्या भाज्या सॅलडच्या स्वरूपात खाणे यकृताच्या आरोग्यासाठी सर्वोत्तम आहे.

निरोगी यकृतासाठी ही फळे खा:

• सफरचंद
• पपई
• पेरू

या भाज्या यकृतासाठी चांगल्या आहेत.

• टोमॅटो
• कोबी
• लेट्यूस
• काकडी

तुमच्या आहारातून या गोष्टी कमी करा

यकृताच्या संरक्षणासाठी तुमच्या आहारात फळे आणि भाज्यांचे प्रमाण वाढवणे आणि तेलाचे सेवन कमी करणे अत्यंत महत्त्वाचे आहे. तेलाव्यतिरिक्त अल्कोहोलचे सेवनदेखील टाळा. अल्कोहोलमुळे फॅटी लिव्हरची समस्या वाढते म्हणून शक्य तितके अल्कोहोल तुमच्या जीवनातून काढून टाकणे इष्ट राहील.

चरबी जाळण्यासाठी दररोज व्यायाम करा

भारतीयांमध्ये फॅटी लिव्हरची समस्या ज्या वेगाने वाढत आहे ते लक्षात घेता, भारतीयांनी प्रथम त्यांची चरबी कमी करणे आवश्यक आहे. जलद चरबी जाळण्याचे व्यायाम तुमच्या जीवनाचा एक भाग बनवा. कॅलरीज जलद जाळण्यासाठी दररोज व्यायाम करा.

तुमच्या यकृताचे संसर्गांपासून संरक्षण करण्यासाठी खालील दोन लसी घ्या :

हेपॅटायटिस अ
हेपॅटायटिस ब

जर तुम्हाला लहान वयातच फॅटी लिव्हरचा त्रास नको असेल, तर तुमच्या आहारात या फळे आणि भाज्यांचा समावेश करा, जेणेकरून तुम्ही वेळेत तुमच्या यकृताचे आरोग्य सुधारू शकाल.