‘या’ ५ पदार्थांमध्ये असतं अंड्यापेक्षाही जास्त व्हिटॅमिन डी; आहारात करा समावेश; कोणते पदार्थ आहेत जाणून घ्या

ट्राउट मासा खा – यामध्ये सुमारे ८५.०५ ग्रॅम, ६४५ IU व्हिटॅमिन डी असते, जे बहुतेक प्रौढांसाठी दैनंदिन गरजेच्या १०० टक्क्यांपेक्षा पेक्षा जास्त आहे आणि व्हिटॅमिन डीच्या सर्वात श्रीमंत नैसर्गिक स्रोतांपैकी एक आहे. ट्राउट मासा उच्च दर्जाचे प्रथिने आहे; जे हृदयाचे आरोग्य राखण्यासाठी प्रभावी असल्याचे दिसून आले आहे. ओमेगा-३ फॅटी ॲसिडने समृद्ध असलेले पोटात होणारी जळजळ नियंत्रित करते, हृदयाचे आरोग्य सुधारते. PubMed आणि NIH मध्ये प्रकाशित झालेल्या संशोधनानुसार, ट्राउटमध्ये व्हिटॅमिन डी३ स्वरूप भरपूर प्रमाणात असते. सूर्यप्रकाशापासून आपले शरीर हे स्वरूप तयार करते. हा मासा ग्रिल, बेक किंवा पॅन-फ्राय केला जाऊ जाऊ शकतो आणि भाज्या किंवा सॅलडसह सेवन केले जाऊ शकते.

मशरूमचे सेवन करा

अर्धा कप मशरूममध्ये अंदाजे ५०५ IU व्हिटॅमिन डी असते. मशरूम व्हिटॅमिन डीच्या काही वनस्पती-आधारित स्रोतांपैकी एक आहे. अतिनील प्रकाशात आल्यावर त्यांच्या व्हिटॅमिन डीचे प्रमाण वाढते. जर्नल ऑफ ॲग्रिकल्चरल अँड फूड केमिस्ट्रीमध्ये प्रकाशित झालेल्या संशोधनानुसार, मशरूमला १५-२० मिनिटे UV लाईटमध्ये किंवा तेजस्वी सूर्यप्रकाशात ठेवल्याने त्यांच्या व्हिटॅमिन डीचे प्रमाण ७०० ते ८०० टक्क्यांपर्यंत वाढू शकते. यामुळे सेलेनियम, पोटॅशियम आणि बी जीवनसत्त्वे तुम्हाला मिळतात. मशरूम सूप, स्टिअर-फ्राय, भाज्या किंवा पास्तामध्ये सहजपणे समाविष्ट केले जाऊ शकतात.

सॅल्मन (रावस) खा

शिजवलेल्या सॅल्मनमध्ये अंदाजे ४४७ IU व्हिटॅमिन डी असते, जे दैनंदिन गरजेच्या सुमारे ७५ टक्के भाग पूर्ण करते. वाईल्ड सॅल्मनमध्ये जास्त व्हिटॅमिन डी असते. त्यात ओमेगा-३ फॅटी ॲसिड भरपूर प्रमाणात असतात; जे मेंदू, हृदयाचे आरोग्य सुधारतात. याचे सेवन केल्याने जळजळ नियंत्रित होण्यास मदत होते. जर्नल ऑफ स्टिरॉइड बायोकेमिस्ट्री अँड मॉलिक्युलर बायोलॉजीमधील संशोधनानुसार, सुमारे १०० ग्रॅम सॅल्मन मासा खाल्ल्यास
शरीराला रोज लागणाऱ्या व्हिटॅमिन D च्या गरजेपेक्षा जास्त (१०० टक्क्यांपेक्षा जास्त) मिळू शकतो.

फोर्टिफाइड दूध

एक कप फोर्टिफाइड गाईच्या दुधात अंदाजे १२४ IU व्हिटॅमिन डी असते. फोर्टिफाइड दूधव्हिटॅमिन डी, कॅल्शियम, व्हिटॅमिन बी१२ चा एक उत्कृष्ट स्रोत आहे. याचे सेवन केल्याने हाडे मजबूत होतात, उर्जेची पातळी वाढते. नियमितपणे दूध पिल्याने आपल्या दैनंदिन गरजा पूर्ण होण्यास मदत होते. तुम्ही हे दूध तृणधान्यांमध्ये घालू शकता किंवा विविध पाककृतींमध्ये वापरू शकता.

सार्डिन मासे

सार्डिन मासे खाल्ल्याने व्हिटॅमिन D मिळतो. २ सार्डिनमध्ये सुमारे ४६ IU व्हिटॅमिन D असतो. हे एका अंड्यापेक्षा थोडं जास्त असू शकतं.
सार्डिनमध्ये कॅल्शियम, व्हिटॅमिन बी१२, ओमेगा-३ फॅटी ॲसिड देखील भरपूर असतात; जे हाडे मजबूत करतात, हृदयाचे आरोग्य सुधारतात. कॅनमध्ये मिळणारे सार्डिन थेट खाऊ शकता किंवा टोस्ट, सॅलडमध्ये आणि पास्ताबरोबर तुम्ही सार्डिन मासे खाऊ शकता…