हिरड्यातून रक्त येणार नाही, सूज होईल गायब! फक्त मोहरीच्या तेलात ‘या’ गोष्टी मिसळून हलक्या हाताने चोळा; पिवळेधम्मक व काळे दात मोत्यांसारखे होतील पांढरेशुभ्र

हिरड्यांना सूज येण्यामागे दातांवर साचलेली घाण, जंतूंची वाढ आणि शरीरातील संरक्षण यंत्रणेची प्रतिक्रिया कारणीभूत ठरते. पांढऱ्या रक्तपेशी आणि द्रवपदार्थांचा अतिरेक झाल्यामुळे हिरड्या फुगतात आणि वेदना वाढतात. अशा वेळी औषधांऐवजी घरगुती उपाय प्रभावी ठरू शकतात, असे तज्ज्ञही सांगतात. विशेष म्हणजे आपल्या स्वयंपाकघरात सहज मिळणारे मोहरीचे तेल या समस्येवर उपयोगी ठरू शकते.

मोहरीच्या तेलाचा असा वापर तुम्हाला माहीत आहे का?

१. मोहरीचे तेल आणि काळी मिरी – हिरड्यांवरील सूज कमी करणारा उपाय

काळी मिरी जंतुनाशक असून, मोहरीच्या तेलासोबत वापरल्यास तिचा परिणाम अधिक प्रभावी होतो. थोडी काळी मिरी बारीक करून, त्यात आवश्यक तेवढे मोहरीचे तेल मिसळून घट्ट लेप तयार करा. हा लेप सुजलेल्या हिरड्यांवर हळुवारपणे चोळा. काही वेळ तसेच ठेवा आणि नंतर कोमट पाण्याने स्वच्छ धुवा. दिवसातून दोन ते तीन वेळा हा उपाय केल्यास सूज कमी होऊ लागते.

२. हळद आणि मोहरीचे तेल – वेदनांवर नैसर्गिक औषध

हळदीतील दाहशामक गुण हिरड्यांतील सूज आणि वेदना कमी करण्यात मदत करतात. थोड्या हळदीत मोहरीचे तेल मिसळून लेप तयार करा. हा लेप हिरड्यांवर लावल्यास सूज उतरते, वेदना कमी होतात आणि जंतुसंसर्ग आटोक्यात येतो.

३. मीठ घातलेले कोमट पाणी – तोंडाची स्वच्छता राखण्यासाठी उपयुक्त

तोंडातील जंतू नष्ट करण्यासाठी कोमट पाण्यात मीठ मिसळून गुळण्या करणे अत्यंत फायदेशीर ठरते. एका पेल्यात कोमट पाणी घ्या. त्यात एक चमचा मीठ मिसळा आणि दिवसातून दोनदा गुळण्या करा, त्यामुळे हिरड्यांची सूज कमी होते आणि वेदनांपासून आराम मिळतो.

४. लवंग तेल – वेदना कमी करणारा प्रभावी उपाय

लवंग तेल किंवा लवंग पूड जंतुनाशक म्हणून ओळखली जाते. कापसाच्या बोळ्यात लवंग तेल घेऊन सुजलेल्या हिरड्यांवर ठेवल्यास वेदना कमी होतात.

५. कोरफड – हिरड्यांना थंडावा देणारी वनस्पती

कोरफडीचा रस गुळण्या करण्यासाठी किंवा थेट हिरड्यांवर लावण्यासाठी वापरता येतो, त्यामुळे सूज कमी होते आणि जळजळ थांबते.

महत्त्वाची सूचना : ही माहिती घरगुती उपायांवर आधारित आहे. सूज जास्त असल्यास किंवा बराच काळ टिकून राहिल्यास दंततज्ज्ञांचा सल्ला घेणे आवश्यक आहे.