वाढत्या स्पर्धेत टिकून राहण्यासाठी सरकारी टेलिकॉम कंपनी बीएसएनएल सातत्याने नवनवे रिचार्ज प्लान आणत आहे. गेल्या काही महिन्यांपासून कंपनीनेआपल्या प्रीपेड प्लान्समध्ये अनेक बदल केले आहेत. कमी किंमतीमध्ये जास्त लाभ ग्राहकांना मिळावा यासाठी कंपनी प्रयत्नशील आहे. आता कंपनीने प्रीपेड ग्राहकांसाठी 'अभिनंदन-151' नावाचा नवीन प्रीपेड प्लान लाँच केला आहे. या प्लानमध्ये प्रीपेड ग्राहकांना दररोज 1 जीबी इंटरनेट डेटा वापरता येईल, तसंच रोज 100 मोफत एसएमएस आणि अमर्यादित लोकल, एसटीडी आणि रोमिंग कॉलिंगची सेवा वापरता येईल. रोमिंग कॉलचा फायदा मुंबई आणि दिल्ली सर्कलमध्ये होणार आहे. 180 दिवस या प्लानची वैधता आहे, मात्र प्लानमध्ये मिळणारे फ्री बेनिफिट 24 दिवसांपर्यंतच वैध असणार आहेत. हा प्लान अॅक्टिवेट करण्यासाठी ग्राहकांना सेल्फ केअर कीवर्ड (SMS PLAN 151) टाइप करुन 123 वर सेंड करणं गरजेचं आहे. पण सध्या हा प्लान केवळ चेन्नई आणि तामिळनाडू सर्कलमध्येच उपलब्ध असल्याची माहिती आहे.
