बदलती जीवनशैली आणि कामाच्या व्यस्त टाइमटेबलमुळे अनेकजण तणाव, चिंता आणि इतर आरोग्य समस्यांचा सामना करत आहे. याचा झोपेवरही विपरित परिणाम होत आहे. जर तुम्हीही कामामुळे सतत तणावाखाली, चिंतेत असाल तर तुम्हाला झोपेसंबंधीत विकारांची लक्षणं जाणवू शकतात. त्यामुळे प्रत्येकाला निरोगी राहण्यासाठी रोज किमान ७ ते ८ तासांची झोप गरजेचीच असते. केवळ बदलत्या जीवनशैलीचाच नाही तर आहारातील पोषक तत्वांच्या कमतरतेमुळेही आपल्याला अनेक आजार होऊ शकतात. पण झोपेसंबंधीत आजारांपासून तुम्हाला दूर राहायचे असेल तर रोज रात्री मुठभर पिस्ता खाणे फायदेशीर ठरते का? याबाबत आयुर्वेदात काय सांगितले आहे जाणून घ्या.

आहारात काही फळ, भाज्या, सुका मेवा आणि बियांचा मुबलक प्रमाणात समावेश असेल तर तुम्ही झोपेच्या समस्यांपासून दूर राहू शकतात. पण पिस्ता हा शांत झोपेसाठी एक सर्वोत्तम पदार्थ ठरला आहे. आयुर्वेदिक तज्ज्ञ डॉ. दिक्षा भावसार सावलिया यांनी रात्रीच्या चांगल्या झोपेसाठी पिस्ता हा एक जादुई औषध असल्याचे म्हटले आहे.

Office Snacks Must Have Food
ऑफिसच्या डब्यात ‘हे’ तीन पदार्थ असायलाच हवेत! पोषणतज्ज्ञांनीच सांगितला, काम करताना ऊर्जा वाढवण्याचा सोपा फंडा
Healthy Midnight Snacks Option
रात्री तूप लावलेला ‘हा’ पराठा खाल्ल्याने पचनही होईल वेगवान; तीन वस्तू वापरून करायची रेसिपी व फायदे जाणून घ्या
Elon Musk prepares for human habitation on Mars What is this plan
मंगळावर मानवी वस्तीसाठी इलॉन मस्क लागले तयारीला… काय आहे ही अचाट योजना?
What do you do to prevent corrosion of a car Follow these tips
कारच्या गंज प्रतिबंधात्मक संरक्षणासाठी काय कराल? फॉलो करा ‘या’ टिप्स
How to Reduce Underarms Fats Exercise
काखेजवळील फॅट्स, दंडाखालील चरबी कमी करण्याचे सोपे व्यायाम वाचा; डॉ. मेहतांचा सल्ला वापरून स्लिव्हलेस घाला बिनधास्त
Beetroot Juice Benefits
बीटाचा रस पिण्याचे फायदे वाचलेत का? ‘या’ वयोगटातील महिलांना होऊ शकतो मोठा लाभ; अभ्यासात सांगितले आहे ‘हे’ योग्य प्रमाण
Why you should steer clear of sprouted potatoes
कोंब आलेले बटाटे खाताय? थांबा, असे करण्यापूर्वी बटाट्यांचा आरोग्यावर काय परिणाम होतो ते जाणून घ्या
2-2-2 diet really beneficial for weight loss
वजन कमी करण्यासाठी ‘२-२-२ आहार पद्धत’ खरंच फायदेशीर आहे का? काय सांगतात तज्ज्ञ…

डॉ. दिक्षा यांनी त्यांच्या इन्स्टाग्राम पेजवर एक पोस्ट शेअर केली आहे. ज्यात त्यांनी म्हटले आहे की, पिस्त्यामध्ये मेलाटोनिनचे प्रमाण सर्वाधिक असते ज्यामुळे शांत झोप लागण्यासाठी मदत होते. कारण मेलाटोनिन तुम्हाला लवकर शांत झोप लागते. ज्यामुळे आपल्या झोपेची गुणवत्ता सुधारते. तसेच शारीरिक, मानसिक आरोग्य सुधारते शिवाय विविध आजार रोखता येतात.

पिस्त्याचे सेवन केल्याने शरीराला मॅग्नेशियम आणि व्हिटॅमिन बी 6 मिळते. मॅग्नेशियममुळे तुम्हाला गाढ आणि शांत झोप लागण्यास मदत होते. तसेच झोपेवर आणि व्हिटॅमिन बी 6 वर परिणाम करणाऱ्या गामा, ट्रिप्टोफॅन आणि सेरोटोनिनचे उत्पादन सुलभ करते. सेरोटोनिनचे उत्पादन ट्रायप्टोफॅन या अमिनो आम्लावर अवलंबून असते. ज्याला हॅप्पी हार्मोन्स म्हणतात, ज्यामुळे कोणत्याही व्यक्तीचा मूड स्थिर राहण्यास मदत होते.

आयुर्वेदानुसार- पिस्त्यामध्ये वात-शमक, गुरू आणि उष्णता असते, ज्यामुळे पिस्ता चिंताग्रस्त, निद्रानाश, अनाठायी अन्नाची लालसा आणि लठ्ठपणा असलेल्या लोकांसाठी सर्वोत्तम आहेत. यामुळे भूक, लैंगिक शक्ती, मूड आणि झोपेचे आरोग्य देखील सुधारते. पिस्ता ह्रदयविकारावरही चांगला मानला जातो.

यामुळे डॉ. दिक्षा यांनी सल्ला दिला की, चांगली झोप लागत नाही त्यांनी झोपण्याच्या १ तास आधी मूठभर पिस्ते खावेत. मॅग्नेशियम आणि मेलाटोनिनच्या गोळ्यांवर अवलंबून राहू नये.

निद्रानाश, अशांत झोप, अतिविचार आणि चिंताग्रस्त लोकांसाठी आयुर्वेदिक डॉक्टर ब्राह्मी, अश्वगंधा, जटामांसी, तगर, शाखपुष्पी यासारख्या आयुर्वेदिक औषधी वनस्पती आणि इतर तणाव कमी करणारी आणि झोप वाढवणारी औषधी वनस्पती दूध किंवा पाण्यासोबत झोपण्याच्या आधी खाण्याची शिफारस करतात.