रात्री शांत झोप येत नाही? मग झोपण्यापूर्वी दुधामध्ये ‘ही’ एक गोष्ट मिसळून प्या

दूध आणि बडीशेपमध्ये काय असते?

खरं तर बडीशेपमध्ये मॅग्नेशियम, पोटेशियम आणि अनेक प्रकारचे अँटीऑक्सिडंट्स आढळतात, जे मेंदूला शांत करण्यास मदत करतात. त्याच वेळी दूधही झोप आणण्यास उपयुक्त ठरते. त्यामुळे तुम्ही दूध बडीशेप मिसळून पिऊ शकता.

बडीशेपचे दूध कसे बनवायचे?

बडीशेपचे दूध बनविण्यासाठी प्रथम एका पॅनमध्ये दूध ओता आणि त्यात एक चमचा बडीशेप घालून, तुम्ही ते मंद आचेवर ५-७ मिनिटे उकळवा. गोडवा आणण्यासाठी तुम्ही त्यात मध किंवा साखरदेखील टाकू शकता. झोपण्याआधी ३० मिनिटे आधी दूध पिणे खूप फायदेशीर आहे.

बडीशेपसह दूध पिण्याचे फायदे

बडीशेप टाकलेले दूध प्यायल्याने मन शांत होते, ज्यामुळे तणाव कमी होण्यास मदत होते. बडीशेपमिश्रित दुधाचे सेवन केल्याने झोपेची गुणवत्ता सुधारते. दिवसभराचा थकवा दूर होतो आणि पचनक्रियादेखील सुधारते.