scorecardresearch

Cardamom: रक्तदाब आणि दम्याचा धोका कमी करते वेलची, जाणून घ्या ‘हे’ आश्चर्यकारक फायदे

वेलचीमध्ये मॅग्नेशियम आणि पोटॅशियम मुबलक प्रमाणात आढळते, ज्यामुळे शरीरातील रक्त परिसंचरण नेहमी सामान्य राहते. एवढेच नाही तर वेलचीच्या सेवनाने रक्तदाब आणि दम्याचा धोकाही कमी होतो.

वेलची ही पोषक तत्वांचा खजिना आहे, ज्यापासून अनेक आजारांवर उपचार केले जातात. (photo credit: freepik)

वेलचीचा सुगंध, आणि चव याविषयी सर्वांनाच माहिती आहे, पण वेलची केवळ चव दुप्पट करत नाही, तर आरोग्यालाही अनेक प्रकारे फायदेशीर ठरते. हे सिद्ध झाले आहे की वेलची ही पोषक तत्वांचा खजिना आहे, ज्यापासून अनेक आजारांवर उपचार केले जातात. तर वेलचीच्या सेवनाने तोंडाची दुर्गंधी तर दूर होतेच पण सर्दी-खोकला, पचनाच्या समस्या, उलट्या, लघवीशी संबंधित समस्याही कमी होतात.

वेलचीमध्ये मॅग्नेशियम आणि पोटॅशियम मुबलक प्रमाणात आढळते, ज्यामुळे शरीरातील रक्त परिसंचरण नेहमी सामान्य राहते. हेच कारण आहे की गेल्या काही वर्षांपासून आपल्या आयुर्वेदात वेलचीचा वापर अनेक आजारांवर होत आहे. एवढेच नाही तर वेलचीच्या सेवनाने रक्तदाब आणि दम्याचा धोकाही कमी होतो.

आयुर्वेदिक तज्ञ डॉ दीक्षा भावसार यांनी वेलचीचे अनेक फायदे सांगितले आहेत. डॉक्टर दीक्षा यांनी इंस्टाग्रामवर वेलचीमध्ये असलेले औषधी गुणधर्म आणि त्याचा सेवनाने आपल्या शरीरातील रोग बरे करण्याचे गुणधर्म सांगितले आहेत. डॉ दीक्षा सांगतात की ज्या लोकांना जास्त तहान लागते, त्यांना आयुर्वेदात वेलची खाण्याचा सल्ला दिला जातो. त्यांनी सांगितले की, जर तुम्हाला पुरेसे पाणी प्यायल्यानंतरही तहान लागण्याची समस्या येत असेल तर वेलची तुम्हाला खूप मदत करू शकते.

वेलचीच्या सेवनाने पोट आणि गॅसची समस्या कमी होते

डॉ दीक्षा भावसार सांगतात की, आयुर्वेदानुसार, वेलचीमध्ये त्रिदोषक गुणधर्म असतात, म्हणजेच ती कफ, वित्त आणि वात दोष सुधारते. हे केवळ पाचन तंत्र मजबूत करत नाही तर पोट फुगणे आणि गॅसची समस्या देखील कमी करते.

तसेच वेलची कफ दोष संतुलित करते, विशेषतः पोट आणि फुफ्फुसांसाठी ते खूप फायदेशीर आहे. वेलची देखील वात दोष शांत करण्याचे काम करते. वेलचीची चव गरम असते. तसेच शरीराला डिटॉक्सिफाय करते.

लघवी संबंधित समस्या कमी होतात

डॉ दीक्षा सांगतात की, वेलचीमध्ये भरपूर प्रमाणात अँटीऑक्सिडंट असतात, ज्यामुळे वेलचीच्या सेवनाने तुमच्या शरीरातील रक्तदाब आणि दमा बरा करते. याशिवाय अपचन, लघवीत जळजळ आणि इतर अनेक आजार बरे होतात. तसेच यात जुलाब बरा करण्याची क्षमता आहे. याकरिता तुम्ही चहामध्ये वेलची पूड मिसळून तुम्ही रोज पिऊ शकता.

जर तोंडाचा वास तुम्हाला त्रास देत असेल तर तुम्ही नेहमी वेलचीचे दाणे तोंडात ठेवू शकता. डॉ दीक्षा सांगतात की वेलचीचा चहा दिवसातून दोनदा जेवणाच्या एक तास आधी प्यावा. तसेच २५० ते ५०० मिलीग्राम वेलची बारीक करून त्यात तूप मिसळून सेवन करा. वेलची पावडर तुपात मिसळून याचे नियमित सेवन केल्याने शरीरसाठी फार उपयुक्त ठरेल.

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Cardamom treating blood pressure and asthma know the health benefits of its scsm

ताज्या बातम्या