scorecardresearch

‘या’ फळांचे सेवन मधुमेहावर ठरेल रामबाण उपाय; आजच करा आहारात समावेश

चुकीची जीवनशैली आणि आहारातील पौष्टिक घटकांची कमतरता यामुळे अनेकजण अनेक आजारांना बळी पडतात. मधुमेह असाच एक आजार आहे.

जाणून घेऊया अशी कोणती फळे आहेत जी मधुमेहाच्या रुग्णांसाठी फायदेशीर ठरू शकतात. (Photo : Pixabay)

कोणीही आजारी पडलं की आपण त्यांच्यासाठी फळं घेऊन जातो. कारण आपण सर्वच जाणतो की कोणत्याही आजाराशी लढण्यासाठी फळे महत्त्वाची भूमिका बजावतात. अशीच काही फळे आहेत जी मधुमेहासाठी अतिशय फायदेशीर आहेत. चुकीची जीवनशैली आणि आहारातील पौष्टिक घटकांची कमतरता यामुळे अनेकजण अनेक आजारांना बळी पडतात. मधुमेह असाच एक आजार आहे. आज आपण जाणून घेऊया अशी कोणती फळे आहेत जी मधुमेहाच्या रुग्णांसाठी फायदेशीर ठरू शकतात.

पेरू :

पेरू खाल्ल्याने रक्तातील साखर नियंत्रणात राहते. तसेच पेरूमध्ये व्हिटॅमिन ए आणि सी, फॉलेट, पोटॅशियम यासारखे अनेक पोषक तत्त्व असतात, जे मधुमेहाच्या रुग्णांसाठी फायदेशीर आहेत. पेरूमध्ये ग्लायसेमिक इंडेक्स कमी असतो, जो रक्तातील साखर नियंत्रणात ठेवण्यास मदत करतो.

वाढत्या उष्णतेसोबत वाढला ‘या’ आजारांचाही धोका; ‘ही’ लक्षणे दिसल्यास त्वरित सावध व्हा

जांभूळ :

जांभूळ मधुमेहाच्या रुग्णांसाठीही फायदेशीर आहेत. जांभळाच्या सेवनाने रक्तातील साखरेचे प्रमाण नियंत्रित राहण्यास मदत होते.

सफरचंद :

मधुमेहाच्या रुग्णांसाठी सफरचंदही खूप फायदेशीर आहे. वास्तविक, त्यात विरघळणारे आणि न विरघळणारे फायबर असते, जे रक्तातील साखरेची पातळी नियंत्रित ठेवण्यास मदत करते.

उन्हाळ्यात भरपूर दही खा; आरोग्यासाठी आहे अतिशय उपयुक्त, होतील ‘हे’ चार फायदे

किवी :

सर्वांना माहित आहे की, किवी खाण्याचे अनेक फायदे आहेत. मधुमेहाच्या रुग्णांनाही हे खाल्ल्याने फायदा होऊ शकतो. किवीमध्ये व्हिटॅमिन ए, व्हिटॅमिन-सी आणि अँटी-ऑक्सिडंट्स भरपूर असतात, जे साखरेची पातळी नियंत्रित ठेवण्यास मदत करतात.

संत्री :

मधुमेही रुग्णांसाठी संत्रीही रामबाण उपाय आहे. संत्र्यामध्ये फायबर, व्हिटॅमिन सी, फोलेट आणि पोटॅशियम भरपूर प्रमाणात असते, जे मधुमेहापासून आराम देण्याचे काम करतात.

(येथे दिलेली माहिती गृहीतके आणि सामान्य माहितीवर आधारित आहे. कृपया अधिक माहितीसाठी तज्ञांचा सल्ला घ्या.)

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Consumption of this fruit will be a panacea for diabetes get involved in the diet today pvp

ताज्या बातम्या