केळी-सफरचंद नव्हे! ‘ही’ ५ फळं आहेत आरोग्यासाठी अधिक फायदेशीर

अनेकांना केळी आणि सफरचंद हीच सर्वांत पौष्टिक फळे वाटतात. मात्र, ही फळे आरोग्यासाठी चांगली असली तरी त्याहूनही अधिक पोषक अशी अनेक फळे आहेत. या फळांमध्ये भरपूर प्रमाणात जीवनसत्त्वे, खनिजे, अँटिऑक्सिडंट्स व तंतुमय पदार्थ हे घटक आढळतात. ही फळे रोगप्रतिकारक शक्ती वाढवणे, पचन सुधारण्यास मदत करणे, हृदयाचे आरोग्य जपणे व त्वचा निरोगी ठेवणे यांसारखे अनेक आरोग्यदायी फायदे मिळवून देतात. पण, ही फळं नेमकी कोणती? हे आपण जाणून घेऊ

‘ही’ फळं आरोग्यासाठी अधिक फायदेशीर

डाळिंब

• डाळिंबामध्ये शक्तिशाली अँटिऑक्सिडंट्स (प्युनिकॅलॅजिन्स) असतात, जे पेशींचे ऑक्सिडेटिव्ह नुकसान कमी करण्यास मदत करतात.
• हे फळ क जीवनसत्त्व आणि पोटॅशियम यांचा चांगला स्रोत असल्याने रोगप्रतिकारक शक्ती आणि हृदयाच्या आरोग्यासाठी उपयुक्त ठरते.
• यातील तंतुमय पदार्थामुळे पचनक्रिया सुधारते आणि पोट जास्त वेळ भरल्यासारखे वाटते.
• काही संशोधनानुसार, नियमित सेवनामुळे रक्तदाब आणि दाह (इन्फ्लेमेशन) कमी होण्यास मदत होऊ शकते.

किवी

• किवीमध्ये संत्र्यापेक्षाही भरपूर क जीवनसत्त्व असू शकते आणि त्यामुळे प्रतिकारशक्ती वाढण्यास मदत होते.
• हे फळ इ, के ही जीवनसत्त्वे, फोलेट आणि तंतुमय पदार्थ यांचा उत्तम स्रोत आहे.
• अॅक्टिनिडिन नावाचे एंझाइम प्रथिनांचे पचन सुलभ करण्यास मदत करते.
• अँटिऑक्सिडंट्समुळे त्वचा आणि डोळ्यांच्या आरोग्यासाठीही फायदेशीर मानले जाते.

अॅव्होकॅडो

• अॅव्होकॅडोमध्ये हृदयासाठी उपयुक्त मोनोअनसॅच्युरेटेड फॅट्स मुबलक असतात.
• पोटॅशियमचे प्रमाण जास्त असल्याने रक्तदाब नियंत्रित ठेवण्यास मदत होऊ शकते.
• तंतुमय पदार्थामुळे पचन सुधारते आणि वजन नियंत्रणात ठेवण्यास मदत मिळते.
• इ, के ही जीवनसत्त्वे आणि फोलेटमुळे त्वचा, मेंदू आणि हाडांच्या आरोग्याला आधार मिळतो.

जांभूळ

• जांभूळ अँथोसायनिन्ससारख्या अँटिऑक्सिडंट्सने समृद्ध असते.
• तंतुमय पदार्थामुळे पचनक्रिया सुधारण्यास मदत होते.
• कमी ग्लायसेमिक इंडेक्स असल्यामुळे मधुमेह असलेल्या व्यक्तींनीही योग्य प्रमाणात आणि वैद्यकीय सल्ल्यानुसार सेवन करू शकतात.
• क जीवनसत्त्व आणि लोहामुळे रक्तनिर्मिती आणि प्रतिकारशक्तीला मदत मिळते.

आवळा

• आवळा हा क जीवनसत्त्वाचा उत्कृष्ट नैसर्गिक स्रोत आहे.
• आवळ्यातील क जीवनसत्त्व रोगप्रतिकारक शक्ती वाढवणे आणि संसर्गांपासून संरक्षण करणे यांसाठी उपयुक्त ठरते.
• तसेच त्यातील अँटिऑक्सिडंट्समुळे त्वचा, केस आणि यकृताच्या आरोग्यासाठी तो फायदेशीर ठरतो.
• तंतुमय पदार्थामुळे पचन सुधारते आणि बद्धकोष्ठतेची समस्या कमी होण्यास मदत होते.
• नियमित आणि योग्य प्रमाणात सेवन केल्यास शरीरातील दाह कमी होण्यास आणि एकूणच आरोग्य सुधारण्यास हातभार लागू शकतो.