Disha Patani Morning Routine : दिशा पटानीचा अलीकडील चित्रपट ‘आवारापन २’ बॉक्स ऑफिसवर धुमाकूळ घालतो आहे. या चित्रपटात दिशा पटानीने अभिनेता इम्रान हाश्मीबरोबर काम केले आहे. या चित्रपटाने पहिल्या चार दिवसांत ९० कोटी रुपयांहून अधिक कमाई केली आहे. चित्रपटांव्यतिरिक्त अभिनेत्री तंदुरुस्त राहण्यासाठी कोणत्या आहार पद्धती फॉलो करते याबद्दल तिने सांगितले आहे.
सेलिब्रिटींची जीवनशैलीत अनेक डाएट ट्रेंड असतात, असे सांगितले जाते. मात्र, अभिनेत्री दिशा पटानी यापेक्षा साधा व नियमित आहार घेण्यावर भर देते. तिच्या फिट आणि ॲथलेटिक शरीरयष्टीसाठी ती आहाराबाबत शिस्त पाळते. यापूर्वीही तिने आपल्या आहाराबद्दल बोलताना सांगितले आहे की, ती आपल्या जेवणात सातत्य ठेवते आणि ठरावीक प्रकारचे पदार्थ नियमितपणे खाते.
दिशा पटानीची दिनचर्या
जुलै २०२२ मध्ये ‘पीपिंगमून’ला (PeepingMoon) दिलेल्या मुलाखतीत, दिशाने सकाळी उठल्यापासून ती काय सेवन करते याची माहिती दिली. त्यात दुपारच्या जेवणापूर्वी तीन पेयांचे सेवन करते. त्याच वेळी एकाच प्रकारचे अन्न आणि पाककृतींचे सेवन केल्यामुळे तिचा आहार ‘काहीसा कंटाळवाणा’ होतो हेदेखील तिने मान्य केले आहे.
‘ती’ तीन पेये कोणती?
- सकाळी उठल्यावर सगळ्यात आधी ती हळदीचे पाणी पिते.
- एक विशिष्ट प्रकारचा चहा, जो घशासाठी फायदेशीर ठरतो.
- उठल्यानंतर लगेचच ती दोन किंवा तीन ग्लास साधे पाणी.
प्रथिने (प्रोटीन), कर्बोदके (कार्ब्स) आणि भाज्यांचे वेळापत्रक
जेवणाच्या बाबतीतही दिशाची पद्धत तितकीच साधी व सरळ आहे. तिच्या नाश्त्यामध्ये सहसा अंडी आणि त्याबरोबर भात किंवा ब्रेडचा समावेश असतो. दुपारच्या जेवणात प्रथिनांचा स्रोत, कर्बोदके आणि काही भाज्यांचे मिश्रण, तर रात्रीच्या जेवणातही प्रथिने आणि कर्बोदकांचे संयोजन असते.
- अभिनेत्री दिवसातून किमान तीन ते चार वेळा जेवण्याचा प्रयत्न करते.
- दोन जेवणांमध्ये स्नॅक्स खाणे टाळते.
- अन्नाच्या निवडीत वारंवार बदल करण्याऐवजी ती एकाच प्रकारच्या पाककृती आणि पदार्थांचे सेवन करणे पसंत करते.
तिच्या रोजच्या आहारात फारसा बदल नसला तरी रविवार हा तिच्यासाठी खास असतो. रविवारी ती ‘चीट डे’ ठेवते. या दिवशी ती गोड पदार्थ, चॉकलेट किंवा आठवडाभर न खाणारा एखादा आवडता पदार्थ खाते.
