सध्याच्या घडीला कोणत्याही संभाषणात बहुतांशवेळा वापरला जाणारा शब्द म्हणजे 'ओके'. कोणत्याही गोष्टीवर सहमती दर्शवण्यासाठी आपण 'ओके' या शब्दाचा वापर करतो. हा एक शब्द संपूर्ण वाक्याचे काम करतो. परंतु तुम्हाला माहित आहे का, ओके (OK) हा कोणताही शब्द नसून हे एका शब्दाचे संक्षिप्त रूप आहे? आज आपण या शब्दाचा पूर्ण अर्थ जाणून घेणार आहोत. OK हा एक ग्रीक शब्द आहे. याचा फुलफॉर्म आहे ‘Olla Kalla’. इंग्रजीमध्ये याचा अर्थ आहे All correct. ‘ओके’ची उत्पत्ती १८३ वर्ष आधी झाली, असे म्हणतात. अमेरिकन पत्रकार चार्ल्स गॉर्डन ग्रीन यांच्या कार्यालयातून या शब्दाचा वापर सुरू झाला. १८३९ मध्ये, चार्ल्स गॉर्डन ग्रीन यांनी कोणत्याही शब्दाऐवजी त्यांचे संक्षिप्त रूप वापरण्यास सुरुवात केली. नखं कापल्यावर वेदना का होत नाहीत हे तुम्हाला माहित आहे का? जाणून घ्या यामागचं खरं कारण सर्वात आधी ओके ‘ऑल करेक्ट’साठी शॉर्टकट म्हणून वापरलं गेलं. खरं तर तो व्याकरणावरचा उपहासात्मक लेख होता. हा लेख १८३९ मध्ये बोस्टन मॉर्निंग पोस्टमध्ये प्रकाशित झाला होता. त्यानंतर ‘OW’ सारखे शब्दही वापरात आले. याचा अर्थ ‘ऑल राइट’ असा होतो. १८४० मध्ये, अमेरिकन राष्ट्राध्यक्ष मार्टिन व्हॅन बुरेन यांच्या पुनर्निवडणुकीच्या प्रचारात ‘ओके’ हा शब्द वापरण्यात आला. त्यानंतर तो शब्द जगभर लोकप्रिय झाला. वास्तविक, व्हॅन बुरेनचे टोपणनाव ओल्ड किंडरहूक होते. त्यामुळे त्यांच्या समर्थकांनी निवडणूक प्रचारात 'ओके' हा शब्द वापरला. या काळात देशभरात ओके क्लब तयार करण्यात आले. आता ओके हा दुहेरी अर्थाचा शब्द झाला होता. याचा अर्थ ओल्ड किंडरहूक आणि ऑल करेक्ट असाही होता.
