PCOS मुळे हनुवटीवर केस येतात? कमी करण्यासाठी जाणून घ्या ‘हे’ उपाय

पण, जर तुम्हाला सांगितले गेले की तुम्ही आहाराद्वारे नको असलेल्या केसांपासून सुटका मिळवू शकता… असे पाच सुपरफूड्स आहेत, जे नको असलेल्या केसांची वाढ नियंत्रित करण्यास मदत करू शकतात.

जर तुम्हाला पीसीओएसचा त्रास होत असेल आणि चेहऱ्यावरच्या नको असलेल्या केसांमुळे तुम्ही त्रस्त असाल, तर तुम्ही तुमच्या आहारात बदल करण्याचा विचार केला पाहिजे. चांगला आहार हा तुमच्या आरोग्यासाठी औषधासारखाच असतो. आहारतज्ज्ञ टॅलिन तुमच्या आहारात अशा पाच पदार्थांचा समावेश करण्याची शिफारस करतात, जे टेस्टोस्टेरॉनची पातळी कमी करण्यास, केस गळणे आणि चेहऱ्यावर केसांची वाढ रोखण्यास मदत करतात.

PCOS दूर करण्यासाठी ‘हे’ पदार्थ खा

सॅल्मन

जर तुम्हाला पीसीओएसमुळे चेहऱ्यावर येणारे केस नैसर्गिकरित्या कमी करायचे असतील, तर तुम्ही तुमच्या आहारात सॅल्मनचा समावेश करू शकता. त्यात ओमेगा-३ चे प्रमाण जास्त असते, त्यामुळे ते दाह आणि टेस्टोस्टेरॉनची पातळी कमी करते, जे नको असलेले केस घालवण्यासाठी अत्यंत महत्त्वाचे आहे.

भोपळ्याच्या बिया

तुमच्या आहारात समाविष्ट करण्याची पुढची गोष्ट म्हणजे भोपळ्याच्या बिया. या लहान बियांमध्ये अनेक पोषक तत्त्वे भरपूर प्रमाणात असतात, जी टेस्टोस्टेरॉनचे अधिक प्रभावी स्वरूप असलेल्या DHT ला रोखतात. हे तुमच्या केसांच्या मुळांभोवती जमा होते आणि केस गळण्यास कारणीभूत ठरते.

हळद

हळद हा तुमच्या स्वयंपाकघरातील सर्वांत शक्तिशाली मसाल्यांपैकी एक आहे. आयुर्वेदात याला एक औषधी वनस्पती मानले जाते आणि विविध आजारांवर उपचार करण्यासाठी याचा वापर केला जातो. हळदीचे सेवन केल्याने DHT ला रोखण्यास मदत होऊ शकते. सुदैवाने, तुम्ही तुमच्या स्वयंपाकात हळदीचा सहजपणे समावेश करून त्याचे फायदे मिळवू शकता.

स्पिअरमिंट चहा

पीसीओएसने (PCOS) त्रस्त असलेल्या महिलांसाठी स्पिअरमिंट चहा अत्यंत फायदेशीर असून, त्याचे अनेक लाभ मिळतात. तसेच, शरीरातील अतिरिक्त टेस्टोस्टेरॉन कमी करण्यास मदत होते आणि त्यामुळे नको असलेले केस कमी होतात, हे वैद्यकीयदृष्ट्या सिद्ध झाले आहे.

बेरी

या सर्व सुपरफूड्ससोबतच, तुम्ही तुमच्या आहारात बेरीचा समावेश करूनही अनेक फायदे मिळवू शकता. त्यामध्ये क्वेर्सेटिन नावाचे अँटीऑक्सिडंट असते, जे डीएचटी (DHT) ला रोखण्यास आणि टेस्टोस्टेरॉनची पातळी कमी करण्यास मदत करते.