Dry Plant Care: घरातील कुंड्यांमध्ये लावलेली झाडे वारंवार सुकत असतील किंवा त्यांची वाढ थांबली असेल, तर त्यांची काळजी घेण्याची पद्धत बदलण्याची गरज आहे. योग्य प्रमाणात पाणी देणे, सेंद्रिय खत वापरणे आणि कोकोपीटचा उपयोग करणे अशा काही सोप्या उपायांनी तुमची बाग कायम हिरवीगार ठेवता येते. नर्सरी चालक नेक सिंह यांनी झाडांची काळजी घेण्यासाठी काही महत्त्वाच्या टिप्स सांगितल्या आहेत.

प्रत्येक झाडाला पाण्याची गरज वेगवेगळी असते. काही झाडांना कमी पाणी लागते, तर काहींना जास्त पाण्याची गरज असते. त्यामुळे सर्व झाडांना सारख्याच प्रमाणात पाणी देऊ नका. जास्त पाणी दिल्यास झाडांची मुळे खराब होऊ शकतात.

झाडांची चांगली वाढ व्हावी यासाठी सेंद्रिय खताला प्राधान्य द्या. नर्सरी चालक नेक सिंह यांच्या मते, रासायनिक खताऐवजी शक्य तितके सेंद्रिय खत वापरावे. त्यामुळे झाडांना आवश्यक पोषण मिळते आणि त्यांची वाढ चांगली होते.

झाडांचे किडींपासून संरक्षण करण्यासाठी कडुनिंबाची पेंड आणि कडुनिंबाचा अर्क वापरू शकता. नेक सिंह यांच्या मते, झाडांच्या देखभालीसाठी याचा उपयोग फायदेशीर ठरतो. मात्र, त्याचा योग्य प्रमाणात वापर करणे आवश्यक आहे.

झाडाचा एखादा भाग सुकला असेल, तर तो कटरच्या मदतीने कापून टाका. तसेच सुकलेली पाने आणि फांद्या वेळोवेळी काढून टाका. त्यामुळे झाडाचा निरोगी भाग चांगला वाढतो आणि नवीन कोंब फुटण्यास मदत होते.

कुंड्यांतील झाडांसाठी कोकोपीटचा वापर फायदेशीर ठरतो. त्यामुळे कुंडीतील ओलावा टिकून राहण्यास मदत होते. झाडांची चांगली वाढ होण्यासाठी मातीमध्ये योग्य प्रमाणात कोकोपीट मिसळून वापरा.

नर्सरी चालक नेक सिंह यांच्या मते, बागेतील झाडांसाठी डीएपी आणि युरियाचा वापर शक्य तितका कमी करावा. त्याऐवजी सेंद्रिय खताला प्राधान्य द्या. तसेच झाडांच्या गरजेनुसारच खताचा वापर करा.

(Disclaimer: वरील माहिती प्राप्त माहितीवर आधारित असून अधिक माहितीसाठी तज्ज्ञ/डॉक्टरांचा सल्ला घ्यावा.)