हिवाळ्यात काजू खाण्याचे ‘हे’ फायदे माहीत आहेत का? पण अति सेवनाने होऊ शकते नुकसान

हृदयाच्या आरोग्यासाठी काजू फायदेशीर

काजू हे हृदयाच्या आरोग्यासाठी फायदेशीर आहेत. यामध्ये निरोगी फॅटी अॅसिड असते, जे वाईट कोलेस्ट्रॉल कम करण्यास आणि हृदयाला मजबूत करण्यास मदत करतात. दररोज काही काजू खाल्ल्याने हृदय मजबूत राहण्यास मदत होते. काजू रक्तातील साखर नियंत्रित करण्यासही मदत करतात. त्यामध्ये असलेले फायबर आणि निरोगी फॅट रक्तातील साखरेच्या पातळीत अचानक वाढ होण्यावर प्रतिबंध करतात.

काजू मेंदूसाठी उत्तम

काजू मेंदूसाठी एक वरदान आहे. यामध्ये मॅग्नेशियम, तांबे आणि अँटीऑक्सिडंट्स असतात. यामुळे मेंदूचे कार्य सुधारते. काजू अभ्यास किंवा इतर कोणत्याही कामात लक्ष केंद्रित करण्यास मदत करतात. ते हाडे आणि दातांसाठी देखील फायदेशीर आहेत. काजूमध्ये मॅग्नेशियम आणि कॅल्शियम असते, जे मजबूत हाडे आणि निरोगी दात राखण्यास मदत करते.

हिवाळ्यात काजू गुणकारी

हिवाळ्यात काजू खाणे आवश्यक आहे. रोगप्रतिकारक शक्तीबद्दल सांगायचं तर काजूमध्ये असलेले अँटीऑक्सिडंट्स, झिंक आणि व्हिटॅमिन ई शरीराची रोगप्रतिकारक शक्ती वाढवतात. हिवाळ्यात त्यांचे सेवन केल्याने सर्दी, खोकला आणि विषाणूजन्य संसर्गाशी लढण्यास मदत होते. म्हणून ज्यांची रोगप्रतिकारक शक्ती कमी आहे त्यांनी काजूचे आवर्जून सेवन करावे.

वजन वाढवण्यासही काजू उत्तम

काजूमध्ये निरोगी फॅट आणि कॅलरीज असतात. त्यामुळे ते कमी वजनाच्या लोकांसाठी फायदेशीर ठरतात. काजू त्वचा आणि केसांसाठीदेखील गुणकारी आहेत. यामध्ये तांबे आणि जीवनसत्त्वे असतात. काजूमुळे त्वचा चमकदार आणि केस मजबूत राखण्यास मदत होते.

काजूचे अति सेवनही धोकादायक

काजू आरोग्यासाठी फायदेशीर असले तरी जास्त काजू खाणे हे आरोग्यासाठी नुकसानकारक देखील ठरू शकते. काजूच्या अति सेवनाने वजन वाढू शकते आणि काही लोकांना अॅलर्जीदेखील असू शकते. म्हणून नेहमी मीठ न घालता आणि न तळता खा. दिवसातून फक्त ४ ते ६ काजू पुरेसे आहेत. तसंच योग्य पचन आणि झोप सुनिश्चित करण्यासाठी रात्री ते खाणे टाळा.